திரெங்கானு  அரசியல்  நெருக்கடியைக்  கையாண்ட  விதம்  குறித்து   வாசகர்கள்  தெரிவித்த  கருத்துகளை  வெளியிட்டிருந்த  மலேசியாகினிக்கு  எதிராக  வழக்கு  தொடுக்கப்போவதாக  பிரதமர்  நஜிப்  அப்துல்  ரசாக்  மிரட்டி  இருக்கிறார்.

ஹபாரிஸாம்  வான்  மற்றும்  அய்ஷா  முபாராக்  வழக்குரைஞர்  நிறுவனம்  மூலமாக  நேற்று  மலேசியாகினிக்கு  கடிதம்  ஒன்று  கொடுக்கப்பட்டது.

அக்கடிதத்தில், ‘பிரதமர்,  விதைத்ததை  அறுவடை  செய்கிறார்’, ‘திரெங்கானுவை  வைத்துக்கொள்ள  நஜிப்  எவ்வளவு  செலவிடுவார்’ என்ற  தலைப்புகளில்  தொகுத்து  வெளியிடப்பட்டிருந்த  வாசகர்களின்  கருத்துகள்  அவதூறானவை  என்று  கூறப்பட்டிருந்தது.

மேலும்,  ஆறு  வாசகர்கள்  தெரிவித்த  கருத்துகள்  தேச  நிந்தனை  செய்பவை  எனவும்  பிரபல  அம்னோ  வழக்குரைஞர்  முகம்மட்  ஹபாரிஸாம்  ஹருன்  கையொப்பமிட்டிருந்த  அக்கடிதம்  கூறிற்று.