பினாங்கு  முதலமைச்சர்  லிம்  குவான்  எங்கைச்  சந்திக்க  முயன்று  முடியாமல்  போனதால்  வெறுப்படைந்த  புக்கிட்  குளுகோர்  சுயேச்சை  வேட்பாளர்  அபு  பக்கார்  சித்திக்  முகம்மட்  ஸன்,  முடிவில் முதலமைச்சர்  மாநிலச்  சட்டமன்றத்திலிருந்து  புறப்பட்டுச்  செல்லும்போது  அவரின்  காரின்  முன்  குதித்து  அதனுடன்   மோதிக்  கொண்டார்.

பின்னர், காரின்முன்  படுத்துக்கொண்டு  நகர  மறுத்தார். ஆனால்,  லிம்  அவரைச்  சந்திக்காமலேயே  சென்று  விட்டார்.

அபு  பக்கார் வலப்  பக்க விலா  எலும்பு  வலிப்பதாக  சொன்னதால் அவர்  அம்புலன்ஸில்  மருத்துவமனைக்குக்  கொண்டு  செல்லப்பட்டார்.

கடந்த  வாரத்திலிருந்து முதலமைச்சரைச்  சந்திக்க  முயல்வதாகவும்  ஆனால்  முடியவில்லை  என்றும்  அபு  பக்கார்  கூறினார்.

“நான்  ஒரு  வேட்பாளர். இருந்தும்  முதலமைச்சரைச்  சந்திப்பதற்கு  ஏன் சிரமப்பட  வேண்டியிருக்கிறது?”,  என்று அபு  பக்கார்  காரின்முன்  குதிக்குமுன்  கூறினார்.