சமூக  ஆர்வலர்  மரினா  மகாதிர், தெலோக்  இந்தான்  டிஏபி  வேட்பாளர்  டியானா  சோப்யா  முகம்மட்  டாவுட்,  சிந்தனை  திறம்படைத்த  புத்திசாலி பெண் எனப்  புகழாரம்  சூட்டியுள்ளார்.

“அவர் நன்கு  பேசுவார்.  எழுதுவார். இதனாலேயே  மற்ற  பல அரசியல்வாதிகளைவிட  அவரது வெற்றிவாய்ப்பு  மும்மடங்கு  அதிகமாகி  விடுகிறது”, என  முகநூலில்  மரினா  குரிப்பிட்டார். கிற்ற்

சொந்தமாக  எழுதிப்  பேசும்  அரசியல்வாதிகள்  மிகவும் குறைவு  என்றாரவர்.

“வயது குறைந்தவர்  என்பதால்தான்  அவரை  எதிர்க்கிறார்களா?”, என்றும்  மரினா  வினவினார்.

“(பிரதமர்) நஜிப்  ரசாக்  அமைச்சரானபோது  அவருக்கு  வயது  26தான். டியானாவுக்கு  27. நாடாளுமன்றத்தில்  இடம்பெறத்தான்  அவர்  முயல்கிறார். நமக்கு  இளம் வயதினர்  நிறைய  தேவைப்படுகிறார்கள். அவர்கள்தான்  புத்தம்புதிய,  இளமையான  சிந்தனைகளைக்  கொண்டிருப்பார்கள்”,  என்றவர்  மேலும்  தெரிவித்தார்.