அம்னோ  இளைஞர்கள்  டிஏபி  பெயர்  பலகையைச்  சேதப்படுத்தியதற்கு  வருத்தம்  தெரிவித்து  கைரி  ஜமாலுடின்   தனிப்பட்ட  முறையில்  மன்னிப்பு  கேட்டதை  டிஏபி-இன் வியூக இயக்குனர்  ஒங்  கியான்  மிங்  ஏற்கவில்லை.

“டிஏபி-இன்  சொத்துக்கள்  சேதப்படுத்தப்பட்டதற்கு  வருத்தம்  தெரிவித்தேன்…….பெயர்ப்  பலகை  உடைக்கப்பட்டதற்கு  மன்னிப்பு  கேட்டேன். அதற்காக  பணம்  கொடுப்பதாகவும்  சொன்னேன்”, என கைரி இன்று பிற்பகல்  செய்தியாளர்களிடம்  தெரிவித்தார்.   அவர் , டிவிட்டர்வழி  செய்தி  அனுப்பி இருந்தார்.

செய்தி  கிடைக்கப் பெற்றதை உறுதிப்படுத்திய  ஒங், அந்த  வகை  மன்னிப்பு  “ஏற்கத்தக்கதல்ல” என்றார்.

“அம்னோ  இளைஞர்கள்  வெளிப்படையாகத்தானே  ஆர்ப்பாட்டம்  செய்தார்கள். எனவே,  இதுவும்  பகிரங்க  மன்னிப்பாகத்தான்  இருக்க  வேண்டும்”, என்றார்.