தெலோக்  இந்தான் இடைத்  தேர்தலில்  வாக்களிப்பு  சுறுசுறுப்பாக  நடைபெறுகிறது. இந்த  இடைத்  தேர்தல் டிஏபி-இன்  டியானா  சோபியா  முகம்மட்  டாவுட்டுக்கும்  பிஎன்- னின்  மா  சியு  கியோங்-குமிடையிலான  நேரடிப்  போட்டியாக  அமைந்துள்ளது.  13-வது  பொதுத்  தேர்தலுக்குப்  பிறகு  நடைபெறும்  போட்டிமிக்க  ஒரு  தேர்தலாகவும்  இது  விளங்குகிறது.

காலை  எட்டு  மணியிலிருந்து   வாக்களிப்பு  நடைபெற்று  வருகிறது.  10 மணிவரை  23 விழுக்காட்டினர்  அதாவது  13,754 பேர் வாக்களித்திருப்பதாக  தேர்தல்  ஆணைய (இசி)  தலைவர்  அப்துல்  அசீஸ்  யூசுப் கூறினார்.
இன்று  80 விழுக்காட்டுக்கு  மேற்பட்ட  வாக்காளர்கள்  வாக்களிப்பார்கள்  என  பேராக் தேர்தல்  ஆணைய  இயக்குனர்  அஹ்மட்  அட்லி  அப்துல்லா எதிர்பார்ப்பதாக  பெர்னாமா  கூறுகிறது.