சிரம்பான்  உயர்  நீதிமன்றம், எஸ். தீபாவின்  வழக்கில் அவரின்  ஆறு  வயது  மகனை  மதம்  மாறிய  தந்தை  இஸ்வான்  அப்துல்லாவிடமிருந்து  மீட்டுக்கொடுக்குமாறு  போலீசுக்கு  உத்தரவிட்டு  எட்டு  நாளாகிறது.

உயர்  நீதிமன்றம்,  பிள்ளைகளைப்  பராமரிக்கும்  உரிமையை  தீபாவுக்கு  அளித்த  இரண்டாவது  நாள்  இஸ்வான் ஆறு-வயது  மகனைக்  கடத்திச்  சென்றார்.

சிரம்பான்  உயர்  நீதிமன்றம்,  மே 21-இல் பிள்ளையை  மீட்டுக்  கொடுக்குமாறு  போலீசுக்கு  உததரவிட்டது.

“அந்த  ஆணையின் பிரதி  ஒன்றை  புக்கிட்  அமான்  போலீசிடம்  மே 23-இல்  கொடுத்தோம். போலீசார்  சட்டத்துறைத்  தலைவர்  அலுவலகத்துடன்  ஆலோசனை  கலக்க  வேண்டியிருப்பதாகச்  சொன்னார்கள்.

“ஆனால், இதுவரை  முடிவு  செய்யப்பட்டதாக  தெரியவில்லை”, என தீபாவின்  வழக்குரைஞர்  ஜோன்  லொயோங்  மலேசியாகினியிடம்  தெரிவித்தார்.