தெலோக் இந்தான்  இடைத்  தேர்தலில்  பிற்பகல்  மணி  2வரை  52.21 விழுக்காட்டினர்  அல்லது  31,286 பேர் வாக்களித்திருப்பதாக  தேர்தல்  ஆணையம் (இசி)  கூறியது.

இளம்  வாக்காளர்களின்  எண்ணிக்கை  குறைவாக  இருப்பதாய்  இசி  தலைவர்  அப்துல்  அசீஸ்  முகம்மட்  யூசுப்  டிவி 3  செய்தியில்  கூறினார். பிற்பகலில்  நிலைமை  மாறலாம்  என்றாரவர்.

இதனிடையே,  டிஏபி  மூத்த  தலைவர்  லிம்  கிட்  சியாங்,  70விழுக்காட்டினர்  வாக்களிப்பர்   என  எதிர்பார்க்கிறார்.   வாக்காளர்  எண்ணிக்கை  குறைந்தால்  டிஏபி-இன்  வாய்ப்புகளும்  குறையலாம்  என்றவர் டிவிட்டரில்  கூறினார்.

“இது  டிஏபி-க்கும்  பக்காத்தானுக்கும்  ஆபத்து. வாக்காளர்  எண்ணிக்கை  80 விழுக்காட்டைத்  தாண்ட  வேண்டும்,  அதுதான்  நம்  வேட்பாளருக்குப்  பாதுகாப்பு”, என்று  லிம்  குறிப்பிட்டார்.