தம் முகநூல்  பக்கத்தில்   தெலோக்  இந்தான்  டிஏபி  வேட்பாளர்  டியானா  சோபியாவின்  பரப்புரை  சுவரொட்டிகளைப்  பதிவிட்டிருந்த  ஆசிரியை  ஒருவர்  அரசின்  கோபத்துக்கு  ஆளாகியுள்ளனர்.

கல்வி  அமைச்சின்  உயர்  அதிகாரி  ஒருவர்  ஆசிரியையைத்  தொடர்புகொண்டு அது  “அரசாங்க- எதிர்ப்பை”க்  காட்டுவதாகவும்  அதை  அகற்றும்படியும்  “அறிவுறுத்தியுள்ளார்”.

“தொடர்ந்து  கண்காணித்து  வருவோம்  என்றாரவர்”  எனக்  கூறிய  ஆசிரியை  அடுத்த  வாரம்  தாம்  இடமாற்றம்  செய்யப்படலாம்   என்றார்.

“நினைத்தால்  சிறுபிள்ளைத்தனமாக  இருக்கிறது. ஆசிரியர்கள்மீது  பாலியல்  புகார்கள், பள்ளிக்குச்  செல்லாத  அசிரியர்கள்,  வசதிக்குறைவான  பள்ளிகள்  இப்படி  எத்தனையோ  விவகாரங்கள்  இருக்கும்போது  இவர்கள்  முகநூலைக்  கண்காணித்துக்  கொண்டிருக்கிறார்கள்”,  என்றந்த  ஆசிரியை அலுத்துக்கொண்டார்.