ஞாயிற்றுக்கிழமை, சிலாங்கூர் இஸ்லாமிய விவகாரத் துறை (ஜயிஸ்) பெட்டாலிங் ஜெயா கோயில் ஒன்றில் இந்து முறைப்படி நடந்துகொண்டிருந்த ஒரு திருமணத்தைத் தடுத்து நிறுத்தி மணப்பெண்ணை விசாரணைக்காக அழைத்துச் சென்றதை “வெட்கக்கேடான செயல்” எனக் கண்டித்த சிலாங்கூர் மந்திரி புசார் காலிட் இப்ராகிமை கத்தோலிக்க ஆயர் பால் டான் ச்சீ இங் பாராட்டியுள்ளார்.
“தப்பிதமாக நடந்துகொள்ளாது இங்கிதமாக நடந்துகொள்ள வேண்டும் என உயர் அதிகாரத்தில் உள்ள ஒருவர் வலியுறுத்தி இருப்பது இதுவே முதல் தடவை என நினைக்கிறேன். இதை சமயவெறிக்கு எதிராக நல்லறிவை நிலைநாட்டும் போராட்டத்துக்குக் கிடைத்த சிறு வெற்றி எனலாம்”, என்றாரவர்.
உண்மைதான் இஸ்லாம் என்றாலே அதைப்பற்றி மாற்று கருத்து சொல்லக்கூடாது என்ற மலாய்க்காரர்களின் எண்ணத்தை உண்மை உண்மைதான் என மாற்றி அமைத்திருக்கும் சிலாங்கூர் முதலமைச்சரின் கருத்து போற்றத்தக்க தாகும். அடுத்து சமய.வழிப் பாட்டு தளங்களுக்குள் காவல்துறையினரோ,இராணுவத்தினரோ உள்ளே நுழையக்கூடாது எனும் kattuppaadu விதி என்னவாயிற்று??
முன்னாள் பிரதமர் கூட இது தவறான நடவடிக்கை என்று கூறியிருக்கிறார். இந்நாள் பிரதமர் எந்தக் கருத்தும் கூறவில்லை என்பதால் அது ஜயிஸ்க்கு அவர் கொடுக்கும் மறைமுக ஆதரவு என்பதாகத் தான் எடுத்துக் கொள்ள வேண்டும். அதனால் மற்றவர்களின் கருத்தை ஜெயிஸ் சீரியஸாக எடுத்துக் கொள்ளாது!
ஆனால் இவர்களின் இந்த சிந்தனைத்தெளிவு தொடர்ச்சியாக தொடர்வதில்லை……, ஏனோ தெரியவில்லை…!!!
மதவாதி என்றால் திமிர் பிடித்தவன் என்று கூறலாமே
சிலாங்கூர் இஸ்லாமிய விவகாரத் துறைக்கு எதிராக பாதிக்கபட்டவர் $100,000,000.00 மான நஷ்ட வழக்கு தொடந்தால் நன்றாக இருக்கும்.
பாதர் .. நாட்டில் இருக்க கூடிய எல்லா சமய மன்றங்களும் இஸ்லாமிய மன்றத்தை தவிர்த்து பிரதமரை பார்த்து ஜாய்சின் அடாவடி தனத்தை அடக்க ஏதாவது செய்யலாமே..?
இவங்களை எதாவது பண்ணவேண்டும் ..கண்டிப்பாக வழக்கு போடவேண்டும்
மகாதிரின் பல முடிவுகள் எனக்கு உடன்பாடில்லை. சிலவற்றில் அவரோடு உடன்பட்டிருக்கிறேன். அவ்வாறு உடன்பட்ட ஒன்றுதான் இந்த ஜயிஸ் விவகாரத்தில் மகாதிரின் கருத்தும். “நடவடிக்கையை மனம்போன போக்கில் எடுக்கக்கூடாது. குர்ரானை நன்கு படிக்கச்சொல்” என்று ஒரு முஸ்லீமான மகாதிர் இஸ்லாமிய சமய மன்ற முஸ்லீம்களை “குர்ரானை நன்கு படி!” என்று சொல்லியது மிக கண்டிப்பான எச்சரிக்கையாகவே இருக்கிறது. மகாதிரின் அறிக்கைதான் முதலில் வெளியானது. இந்த விஷயத்தில் மகாதிருக்கே முதல் கிரேடிட்! மந்திரி புசாருக்கு நன்றி! இத்தகைய நடுநிலையான மனோபாவமே மலேசியாவை உயர்நிலைக்கு வழிநடத்தும்.