சட்டம்போட்டு  ஒற்றுமையையும் இணக்கத்தையும் ஏற்படுத்த  நினைப்பது  மக்களைக்  குறிப்பிட்ட  ஒரு  சமயத்தைப்  பின்பற்றுமாறு  கட்டாயப்படுத்துவதற்கு  ஒப்பாகும்  என்கிறார்  பிஎன்னின்  பூலாய்  எம்பி  நூர்  ஜஸ்லான்  முகம்மட்.

நாடாளுமன்றத்தில் இன்று  பொதுக் கணக்குக்குழு  கூட்டத்துக்குத்  தலைமைதாங்கிய  பின்னர்  செய்தியாளர்களிடம்  பேசிய  அவர்,  அரசாங்கம்  தேசிய   ஒற்றுமைக்காக  சட்டம்  கொண்டு  வருவது  “அவசியமற்றது”  என்றார்.

தேசிய  ஒற்றுமை  ஆலோசனை  மன்றம், நிந்தனைச்  சட்டத்துக்குப்  பதில்  தேசிய  இணக்கச்  சட்டத்தை  வரைந்து  வருவது  பற்றி  நூர்  ஜஸ்லான்  எதிர்வினையாற்றினார்.

“(இணக்கநிலை)  மக்களிடம்  இயல்பாக  தோன்ற  வேண்டியது.   பல  ஆண்டுகளுக்குமுன்  இயல்பாக  இருந்தவற்றை  எல்லாம்  இன்று  சட்டம்போட்டு  கொண்டுவர வேண்டியுள்ளது. இதுதான்  இப்போதைய  பிரச்னை”,  என்றவர்  வருத்தப்பட்டார்.