தியோ  செங்  செங் முஸ்லிம்  அல்ல  என்று  பினாங்கு  ஷியாரியா  நீதிமன்றம்  தீர்ப்பளித்தது.

“சாட்சிகளின்  வாக்குமூலங்கள்  அவர்  இஸ்லாத்தைக்  கடைப்பிடிக்கவில்லை  என்பதைக்  காண்பிக்கின்றன”, என  நீதிபதி  ஸயிம்  முகம்மட்  யுடிம்  தீர்ப்பில்  குறிப்பிட்டார்.

எனவே,  அவரது  சடலத்தை  செங்  செங்-கின்  குடும்பத்தாரிடம்  ஒப்படைக்குமாறு  பினாங்கு  இஸ்லாமிய  விவகார  மன்ற(எம்ஏஐபிபி) த்துக்கும்  பினாங்கு  பொது  மருத்துவமனைக்கும்  அவர்  உத்தரவிட்டார்.

எம்ஏஐபிபி  வழக்குரைஞர்  வான்  பரிதுல்ஹாடி  முகம்மட்  யூசுப்,  மதம் மாற  1997-இல்  விண்ணப்பம்  செய்திருந்த  செங்  செங்  அதன்பின்னர்  ஒரு  முஸ்லிமாகத்தான்  வாழ்ந்தார்  என்பதை நிரூபிக்க  எம்ஏஐபிபி  தவறிவிட்டது  என்றார்.