மலேசிய  குடிமக்களின்  தொலைபேசி  அழைப்புகளை  ஒட்டுக்கேட்கும்  அதிகாரம்  அரசாங்கத்துக்கு  உண்டு  என்கிறார்  பிரதமர்துறை  அமைச்சர்  நன்சி  ஷுக்ரி.

அஞ்சல்வழியும்   தொலைத்தொடர்புக்  கருவிகள்  வழியும் நடைபெறும்  செய்தி  பரிமாற்றங்களையும்  உரையாடல்களையும்  இடைமறிக்கும்  அதிகாரம்  அதிகாரிகளுக்கு  உண்டு  என்றாரவர்.

5 சட்டங்கள்  அந்த  அதிகாரத்தை  வழங்குவதாக  அவர்  சொன்னார்.

குளுவாங்  எம்பி  லியு  சிங்  தொங்குக்கு  எழுத்து  வடிவில்  வழங்கிய  பதிலில்  நன்சி  இதைத்  தெரிவித்தார்.

“2009-க்குப்  பிறகு  அரசியல்வாதிகளின்  உரையாடல்கள்  இடைமறித்துக்  கேட்கப்பட்டதில்லை”, எனவும்  நன்சி  கூறினார்.

இந்தப்  பதில்  தெளிவாக  இல்லை  என்று  லியு  நினைக்கிறார்.

“அப்படியானால்  2009-க்கு  முன்னர்  தொலைபேசிகள்  ஒட்டுக்  கேட்கப்பட்டனவா? 1998-க்கும்  2009-க்குமிடையில்  நடந்தது  என்ன?”, என   அவர்  அறிந்துகொள்ள  விரும்புகிறார்.