பிரதமர்துறை  அமைச்சர்  ஜமில்  கீர்  பஹாரோம்,  மலேசியா  சமயச்சார்பற்ற  நாடல்ல  என்று அறித்தது  ஒரு பொறுப்பற்ற  செயல்  என மலேசிய  இண்ட்ராப்  இயக்கம்  சாடியுள்ளது.

அமைச்சரின்  அறிவிப்பு,  ஏற்கனவே  முஸ்லிம்- அல்லாதாரின்  வாழ்க்கையில்  அத்துமீறி  நுழைந்து  குளறுபடி  செய்யும்  முஸ்லிம்  என்ஜிஓ-களை  ஊக்கப்படுத்துவதுபோல்  உள்ளது  என  இண்ட்ராப்  தலைவர்  பி.வேதமூர்த்தி ஓர்  அறிக்கையில்  கூறினார்.

ஜமில் சுதந்திரத்துக்கு- முந்திய  ஆவணங்களைப் படித்துப்  பார்க்க வேண்டும்  என்று  வலியுறுத்திய  வேதமூர்த்தி,  அமைச்சர்  ஒன்று  “விவரம் அறியாதவராக  இருக்க  வேண்டும் அல்லது  அறிவிலியாக  இருக்க  வேண்டும்  அல்லது  வரலாறு  தெரிந்தும்  தெரியாதவர்போல்  பேசுபவராக இருக்க  வேண்டும்”, எனக்  குறிப்பிட்டது.