தலைமைக் கணக்காய்வாளர்  அறிக்கை  வெளிச்சம்போட்டுக்  காட்டும்  பண  விரயங்களுக்கு  அந்தந்த  அமைச்சுக்களுக்குத்  தலைமைதாங்கும்  அமைச்சர்களையே  பொறுப்பாக்க  வேண்டும்  என  ட்ரேன்பேரன்சி  இண்டர்நேசனல்  வலியுறுத்தியுள்ளது.

அப்படிச்  செய்யாதவரை  கணக்கறிக்கையை  யாரும்  பொருட்படுத்தப்  போவதில்லை  என்று  அதன்  தலைவர் அக்பர் சத்தார்  கூறினார்.

“தங்களின்  நேர்மையையும்  தங்களுக்குக்  கீழே  பணிபுரிவோரின்  நேர்மையையும்  கட்டிக்காப்பது  அமைச்சின்  தலைவர்கள்  என்ற  முறையில்  ஒவ்வோர்   அமைச்சரின்  கடமையாகும்”,  என்றாரவர்.

நடைமுறைகள்  பின்பற்றப்படாத  இடங்களில்  சட்ட  நடவடிக்கை  எடுக்க  வேண்டும். அது  தக்க  பாடமாக  அமையும்  என அக்பர்  கூறினார்.

இவ்விசயத்தில்  அரசாங்கம் “மெத்தனமாக நடந்துகொள்கிறது”,  அதனால்தான்  ஒவ்வோர்  ஆண்டும்  இப்படிப்பட்ட  முறைகேடுகள்  திரும்பத்  திரும்ப  நடக்கின்றன  என்றாரவர்.