மலேசிய  பைபிள்  கழகத்திலிருந்து  பறிமுதல்  செய்யப்பட்ட  321 பைபிள்களைத்  திருப்பிக்  கொடுப்பதா  அழித்துவிடுவதா  என்பதை  நீதிமன்றத்தின்  முடிவுக்கு  விட்டுவிட  வேண்டும்  என  சிலாங்கூர்  சுல்தான்  ஷராபுதின்  இட்ரிஸ்  ஷா  கூறியுள்ளார்.

அதற்கான  நடவடிக்கைகளை  மேற்கொள்ளுமாறு  மாநில  இஸ்லாமிய துறை(ஜயிஸ்)க்கு அவர்  உத்தரவிட்டார்.

“நீதிமன்றம் இறுதி  முடிவு  செய்வதற்கு  ஏதுவாக, ஜயிஸ்,   இவ்விவகாரத்தை  அரசுதரப்பு  வழக்குரைஞரின்  கவனத்துக்குக்  கொண்டுசெல்ல  வேண்டும்”, என  சுல்தான், அவரின் தனிச்  செயலாளர்  முகம்மட்  முனிர்  பானி  விடுத்த  அறிக்கையில்  கூறினார்.

ஆனால், விவகாரத்தை  எந்த  நீதிமன்றத்துக்கு- சிவிலுக்கா, ஷியாரியாவுக்கா-  கொண்டு செல்வது  என்பதை   ஆட்சியாளர்  குறிப்பிடவில்லை.