புகைமூட்டம்  இரண்டாவது  தடவையாக  நாட்டைச்  சூழ்ந்துகொண்டுள்ள  வேளையில்  போர்ட்  டிக்சனிலும்  பந்திங்கிலும்  காற்றுத்  தூய்மைக்கேட்டுக்  குறியீடு(ஏபிஐ) ‘ஆரோக்கியத்துக்குக்  கேடு செய்யும்  வகையில்’  இருப்பது  பதிவாகியுள்ளது.

போர்ட்  டிக்சனிலும்  பந்திங்கிலும்  ஏபிஐ  குறியீடு  முறையே  101,  118  எனப்  பதிவாகியுள்ளன. ஏபிஐ  குறியீடு  100-ஐத் தாண்டினாலே  ஆரோக்கியத்துக்குக்  கெடுதல்  எனக்  கருதப்படுகிறது.

புகைமூட்டத்துக்கு  இந்தோனேசியாவில்  மத்திய  சுமத்ராவில்  காடுகள்  பற்றி  எரிவதுதான் காரணம்  என்று  இயற்கைவள, சுற்றுச்சூழல்  அமைச்சர்  ஜி. பழனிவேல்  நேற்றுக்  கூறினார். அது  செப்டம்பர்வரை  நீடிக்கும்  என  எதிர்பார்க்கப்படுகிறது.