சிலாங்கூரின் நீர்  பிர்சனைகளைத் தீர்க்க  மந்திரி  புசார்  அப்துல்  காலிட்  இப்ராகிம்  பணம்  செலவிடத்   தயாராக இல்லை  என்றும்  அதன்  விளைவாகவே   அண்மையில்  சிலாங்கூரில்  நீர்  விநியோகம்  தடைப்பட்டது  எனவும்  முன்னாள்  ஆட்சிக்குழு  உறுப்பினர்  ரோனி  லியு  குற்றம்  சாட்டியுள்ளார்.

முந்தைய  ஆட்சிக்குழு  சிலாங்கூர்  நீர்  பிரச்னைகளைத்  தீர்க்க  பல  வழிமுறைகளை  முன்மொழிந்திருந்ததாக  சிலாங்கூர்  டிஏபி  விளம்பரப்  பிரிவுச்  செயலாளரான  ரோனி  லியு  தெரிவித்தார்.

“பிறகு  ஏன்  அவர் பிரச்னைகளைத்  தீர்க்கவில்லை? அப்பிரச்னைகளைத்  தீர்க்க  பணம்  செலவுசெய்ய  அவர்  தயராக  இல்லை  என்ற  அனுமானத்துக்குத்தான் வர  வேண்டியுள்ளது”,  என  லியு  குறிப்ப்ட்டார்.

நீர்  பிரச்னைக்குத்  தீர்வுகாண  பணம்  செலவிடத்  தயாராக  இல்லாத  நிலையில்  சிலாங்கூர்  மாநிலம் மூன்று  பில்லியனை  இருப்பில்  வைத்திருப்பதாக  பெருமையடித்துக்  கொள்வதில்  அர்த்தமில்லை   என்றாரவர்.