வெவ்வேறு இனத்தவர் சம்பந்தப்பட்ட குழந்தைப் பராமரிப்பு விவகாரத்தில் தலையிட்டு ஒரு தீர்வுகாண சட்டத்துறைத் தலைவர் அப்துல் கனி பட்டேய்ல் உத்தேசித்தாலும்கூட, அரசியல் தலைமைக்குச் சட்டங்களில் திருத்தம் செய்யும் துணிச்சல் இல்லாதவரை அவ்விவகாரத்துக்குத் தீர்வுகாண இயலாது என்கிறார் ஒரு வழக்குரைஞர்.
கூட்டரசு அரசமைப்பிலும் கூட்டரசு, மாநிலச் சட்டங்களிலும் மைனர்கள் ஒருதலைப்பட்சமாக மதமாற்றம் செய்யப்படுவதைத் தடுக்க திருத்தங்கள் செய்யப்பட்டாலொழிய ஏஜி-இன் முயற்சிகள் விழலுக்கு இரைத்த நீர்தான் என மூத்த வழக்குரைஞர் முரளி மேனன் (இவரும் மதம் மாறியவர்தான்) கூறினார்.
சட்டத் திருத்தம் செய்ய பிரதமர் நஜிப் அப்துல் ரசாக் தயங்குகிறார் என்றாரவர்.
“அதனால் மலாய், முஸ்லிம் ஆதரவை இழக்க நேரும் என நஜிப் அஞ்சுகிறார் போலும்.
“ஆனால், இப்போதுள்ள முட்டுக்கட்டையைத் தீர்க்க இது ஒன்றுதான் வழி”, என்றவர் மலேசியாகினியிடம் தெரிவித்தார்.
இதனால் ஆகப் போவது ஒன்று உள்ளது!. கூட்டரசு நீதிமன்றம் இவ்வாறான சமய சம்பந்தப் பட்ட வழக்குகளில் வழக்குக்கு சம்பந்தப் பட்ட விடையத்திற்கு தீர்க்கமான தீர்ப்பு சொல்லாமல், இத்தருணத்தை கையில் எடுத்துக் கொண்டு இந்நாடு தற்சமயம் செல்லும் அதிதீவீர மதவாத கருத்துக்கு சப்பைக் கட்டும் வண்ணம் தீர்ப்புக்கள் வழங்கக் கூடும். இஸ்லாம் மதத்தை தழுவியவருக்கு இந்நாட்டு அரசியல் அமைப்பு சாசனத்தின் அடிப்படையில், சிவில் நீதிமன்றத்திற்கு சரி நிகரான, தகுந்த ஆணையைப் பிறப்பிக்க சரியா நீதிமன்றத்திற்கு சட்ட அதிகாரம் உள்ளது என்று கருத்துக் கூறுமானால், போலிஸ் தலைமை அதிகாரி நீதிமன்ற தீர்ப்பை அவமதிக்கவில்லை என்ற முடிவும் அதே வேளையில் சரியா நீதிமன்றத்தை சிவில் நீதிமன்றத்தின் சம அந்தஸ்துக்கு உயர்த்தவும் வழி வகுக்கும். அதன்பின் என்ன? சிவில் திருமணம் புரிந்து இஸ்லாம் மதம் மாறியவருக்கு ஏற்ற வகையில் சரியா நீதிமன்றம் விதிக்கும் உத்தரவுகளுக்கு அவருடைய மனைவியோ அல்லது கணவரோ பின் கதவின் வழி வரும் உத்தரவுக்குக் கட்டுப் பட்டே ஆக வேண்டிய சூழ்நிலை வரலாம். அட்டர்னி ஜெனரலின் நாடகம் எவ்வாறு அரங்கேற்றம் காணுகின்றது என்று பொறுத்திருந்து பார்ப்போம்.
இந்த மத மாற்ற பிரச்சனைக்கு தீர்வு காண ஒரே வழி ஆட்சி மாற்றம் தான் என்பதை நமது தோழர்களுக்கு தெரிவித்து கொள்கிறேன்.
ஆட்சி மாற்றம் வந்தாலும் இதற்கு தீர்வு காண நுடியும் என்பது சந்தேகமே காரணம் முஸ்லிம்கள் பிரச்சனை கொடுத்து கொண்டே இருப்பர்.