சிலாங்கூர்  மந்திரி  புசார்,  அப்துல் காலிட்  இப்ராகிம்,   பிகேஆர்  துணைத்  தலைவர்  பதவிக்கான தேர்தலில்  தோற்றுப்போனால்கூட  தாம்  பதவி விலக  வேண்டிய  அவசியமில்லை  என்று  கூறுகிறார்.

கோலா  சிலாங்கூர்  பிகேஆர்  தொகுதித்  தேர்தல்  தோல்வியைத் தொடர்ந்து  காலிட்  இவ்வாறு  கூறினார். அத்தேர்தல்  முடிவை  எதிர்த்து  அவர்  முறையீடு  செய்துள்ளார்.

“கட்சித்  தேர்தலில்  தோற்றுப்போனால் மந்திரி  புசார்  பதவியைத்  துறக்க  வேண்டும்  என்ற விதிமுறை எல்லாம்  கிடையாது”, என  கிள்ளானில்  செய்தியாளர்களிடம்  அவர்  கூறினார்.

கட்சித் தேர்தல் முடிவு  எப்படி இருப்பினும்   தாம்  போர்ட்  கிள்ளான்  சட்டமன்ற  உறுப்பினர்  என்பதில்  எந்த  மாற்றமும்  இராது  என்று  குறிப்பிட்ட  காலிட்,  மந்திரி  புசாராக  இருப்பதற்கு  அது  போதும்  என்றார்.