வெல்லிங்டனில் ஒரு  பெண்ணுடன்  வன்புணர்வு  கொள்ள  முயன்றதாகக்  குற்றம்சாட்டப்பட்டிருக்கும்  மலேசிய  தூதரக  அதிகாரிமீது  சட்ட  நடவடிக்கை  எடுக்காவிட்டால்  இரு  நாடுகளின்  உறவுகள்  பாதிக்கப்படும்  என  நியு  சிலாந்து  வெளியுறவு  அமைச்சர்  முர்ரே  மெக்கல்லி  கடும் எச்சரிக்கை  விடுத்துள்ளார்.

இப்போது  மலேசியா  திரும்பிவிட்ட  அந்த  அதிகாரி  நீதிமன்றத்தில்  நிறுத்தப்படுவது  அவசியம்  என்ற  நியு  சிலாந்தின்  விருப்பத்தை  வெளிவிவகார, வர்த்தக  அமைச்சின்  அதிகாரிகள்  மலேசிய  அரசாங்கத்துக்குத்  தெளிவாகவே  எடுத்துச்  சொல்லி  இருப்பதாக  மெக்கல்லி  கூறினார்.

இவ்விவகாரம்  தொடர்பில்  மலேசிய  வெளியுறவு  அமைச்சர்  அனிபா  அமான்  இன்று  பிற்பகல்  செய்தியாளர்  கூட்டம்  ஒன்றை  நடத்துகிறார்.

அத்தூதரக  அதிகாரியை  விஸ்மா புத்ரா  பாதுகாக்கவில்லை  என்பதை  அவர்  வலியுறுத்தினார்.

“தூதரக  அதிகாரி  என்பதை வைத்து  யாரும்  தப்பித்துக்கொள்ள  இயலாது. தூதரக  அதிகாரிக்கான  சலுகை  குற்றம்  இழைப்பதற்கான  லைசென்ஸ் அல்ல”,  என்றாரவர்.