பிச்சை எடுப்பதும்  இடுவதும்  குற்றம்  என  அறிவிக்கப்படும்  எனக்  கூட்டரசு  பிரதேச அமைச்சர்  தெங்கு  அட்னான்  மன்சூர்  கூறியிருப்பதை யாரும்  வரவேற்பதாகத்  தெரியவில்லை.

கூட்டரசு  பிரதேச  பாஸ்  இளைஞர்  பகுதித்  துணைத்  தலைவர்  முகம்மட்  யூசுப்,  அவ்வாறு  செய்வது  இஸ்லாத்துக்கு  ஏற்புடையதல்ல  என்றார். இஸ்லாம் ஈகையை  ஊக்குவிக்கிறது  என்றவர்  கூறினார்.

அரசாங்கத்தால்  நகர்புற  வறுமைக்குத்  தீர்வு  காண முடியவில்லை,  பிச்சை  எடுக்கும்  கும்பல்களைக்  கட்டுப்படுத்த  முடியவில்லை.  அதன் காரணமாகவே  கோலாலும்பூரில்  பிச்சை  எடுத்தல்  பெருகியுள்ளது  என்றவர்  குறிப்பிட்டார்.

பிச்சை எடுப்பதையும்  இடுவதையும்  குற்றமாக்குவதற்குப்  பதில், அமைச்சு  வீடற்றோருக்கு  வீடுகள்  கொடுக்கவும்  பிச்சை  எடுப்போருக்கு  நல்ல  வாழ்க்கையை  ஏற்படுத்திக்  கொடுக்கவும்  முனைய  வேண்டும்  என்றவர்  சொன்னார்.