பதவி விலகப்போவது  உண்மையா  என்று  கேட்டதற்கு  அது  வீண்  புரளி  என்றார்  சிலாங்கூர்  மந்திரி  புசார்  அப்துல்  காலிட்  இப்ராகிம்.

“அதில் (வதந்தியில்)  உண்மை  இல்லை. ஒரு கூட்டத்திலிருந்து  வருகிறேன். இன்னொரு கூட்டத்துக்குச் செல்கிறேன்”, என்றாரவர்.

பாங்குனான்  டாருல்  எஷானில்  செய்தியாளர்கள்  அவரைச்  சூழ்ந்துகொண்டு  பதவி  விலகல்  பற்றி  வினவியதற்கு  காலிட்  விரிவாக  எதையும்  கூறவில்லை.

அது, கட்சியில்  அவரை  எதிர்த்துப்  போட்டியிடுபவர்கள்  கட்டிவிட்ட  கதையா  என்று  கேட்டதற்கு  வெறுமனே  சிரித்தார்.

“போகட்டும், விடுங்கள். ரமலான்  மாதத்தில்  பொய் சொல்லக்கூடாது”, என்று  கூறியவாறு  காரில்  புறப்பட்டுச்  சென்றார்.