டாக்டர்  மகாதிர்  முகம்மட்  பிரதமராக  இருந்தபோது   கால்நடையாக சென்று  நாட்டு  நிலவரங்களை  நேரில்  கண்டறிந்ததுபோல்  இப்போதுள்ள  அமைச்சர்களும்  செய்ய  வேண்டும்  என்று  மூத்த  செய்தியாளர்  ஏ.காடிர்  ஜாசின்  கேட்டுக்கொண்டிருக்கிறார்.

நடப்பது  உடல்நலனுக்கு  நல்லது  என்பதுடன்  அமைச்சர்கள்  மக்களை  நன்கு  அறிந்துகொள்ளவும்  அது  உதவும்.

“அமைச்சர்கள்  ஆடம்பர  அலுவலகங்களில்  இருக்கும்  நேரத்தைக்  குறைத்துக்கொண்டு  மக்களுடன்  கலந்துறவாட  கூடுதல்  நேரத்தை ஒதுக்குவார்களானால்  சாதாரண  மக்களின்  வாழ்க்கை  பற்றி  அவர்களால்  அதிகம்  அறிந்துகொள்ள  முடியும்”, என  காடிர்  தம்  வலைப்பதிவில்  பதிவிட்டிருந்தார்.

கூட்டரசு  பிரதேச  அமைச்சு,  உணவுதானம்  செய்யும்  திட்டங்களுக்குத்  தடை  விதித்திருப்பது  பற்றிக்  கருத்துரைத்தபோது  அவர் இவ்வாறு  கூறினார்.