‘ஜோக்’ஒன்று  இப்போது  வலம்  வந்து கொண்டிருக்கிறது. பிரதமர்  நஜிப்  அப்துல்  ரசாக்  உலகக்  கிண்ணக்  கால்பந்து  போட்டியில்  எந்தக்  குழுவை  ஆதரிக்கிறாரோ  அது  தோற்றுப்போகுமாம்.

நஜிப்  ஸ்பேய்னை,  இங்கிலாந்தை,  பிரேசிலை  ஆதரித்துப் பேசினார். மூன்றும்  மண்ணைக்  கவ்வின.

இக்கால்பந்து  போட்டியின்  இறுதி  ஆட்டத்தில் அர்ஜெண்டினாவும்  ஜெர்மனியும்  போதுகின்றன. அந்த  ஆட்டம்  டாட்டாரான்  மெர்டேகாவில்  பெரிய  திரையில்  காண்பிக்கப்படும்.

டாட்டாரான்  மெர்டேகாவில்  பிரதமருடன்  தாமும்   விளையாட்டைக்  கண்டுகளிக்கப்  போவதாகக் கூறிய  இளைஞர், விளையாட்டு  அமைச்சர்  கைரி  ஜமாலுடின்,  அதைக்  காண  வருமாறு  கால்பந்தாட்ட  இரசிகர்களுக்கும்  அழைப்பு  விடுத்தார். ரேடியோ  இரா-வின்  நேர்காணலில்  இந்த  அழைப்பை விடுத்த  கைரி  வேடிக்கையாக  ஒன்றையும்  கூறினார்.

“பிரதமரும்  அங்கு  நம்முடன்  இருப்பார். ஆனால், அவர்  அர்ஜெண்டினாவை  ஆதரிக்காமல்  இருக்க  வேண்டும்  என்று  வேண்டிக்கொள்கிறேன்”, என்றாரவர்.

அர்ஜெண்டினாதான்  கைரிக்குப்  பிடித்தமான  குழு.