நேற்றிரவு  செம்பூர்னாவில்  நிகழ்ந்த  துப்பாக்கிச்  சூட்டுச்  சம்பவம்  மலேசியப்  பிரதமர்  நஜிப்  அப்துல்  ரசாக்குக்கு  மதிப்போ,  மரியாதையோ  இல்லை  என்பதைக்  காண்பிப்பதாக  பினாங்கு  முதலமைச்சர்  லிம்  குவான்  எங்  கூறினார்.

“பிரதமர்  சாபாவில்  கால்வைத்த  வேளையில்  பயங்கரவாதிகள்  தாக்குதல்  நடத்தியிருக்கிறார்கள்  என்றால்,  அவர்கள்  என்ன  சொல்ல  வருகிறார்கள்?

“அவர்கள்  கொஞ்சம்கூட  அவரை  மதிக்கவில்லை. காலணியை  நஜிப்மீது  வீசி  எறிவதுபோல்  உள்ளது”,என்றவர்  கூறினார்.

அரசாங்கத்தால்  பாதுகாப்புக்கு  உத்தரவாதம்  அளிக்க  முடியவில்லை. போலீசாரால்  தங்களைத்  தாங்களே  பாதுகாத்துக்கொள்ள  முடியவில்லை.  அப்படியானால்  பொதுமக்களை  எப்படிப்  பாதுகாக்கப்  போகிறார்கள்  என லிம்  வினவினார்.

.