முன்னாள்  பிரதமர்  டாக்டர்  மகாதிர்  முகம்மட்  இஸ்கண்டர்  மலேசியா  திட்டத்துக்கு  எதிர்ப்புத்  தெரிவிப்பதைத்  தொடர  வேண்டும்  என்று  வலியுறுத்திய  பாஸ், அவ்விவகாரத்தில் அவரை  முழுக்க  முழுக்க  ஆதரிப்பதாகக்  கூறியது.

இஸ்கண்டர்  திட்டம்  சிங்கப்பூர்  அதன்  இறையாண்மையை  விரிவுபடுத்துவதற்கான  ஒரு  முகப்பு  என்று  கூறும்  மகாதிர்  அதை  மட்டும்  ஆதாரங்களுடன்  நிரூபிப்பாரானால் அவரை  “மாபெரும்  அரசதந்திரி”  என்று  புகழ்பாடவும்  தயாராக  இருப்பதாய்  பாஸ்  உதவித்  தலைவர் சலாஹுதின்  ஆயுப்  கூறினார்.

“அதைப்  பற்றிப் பேச  முற்றிலும்  தகுதிபடைத்தவர்  அவர். பொதுமேடைக்கு  வந்து  அதைப்  பற்றி  அவர்  மேலும்  கூற  வேண்டும்  என்பதே எங்கள் விருப்பம்”, என  சலாஹுதின்,  பாஸ்  தலைமையகத்தில்  செய்தியாளர்களிடம்  தெரிவித்தார்.