ஜொகூர், கம்போங் தெம்பியோவில் அமைந்திருந்த சீன தாவோ சமயத்தின் பாதுகாப்பு தெய்வம் என்ற நெஸாவின் 10 மீட்டருக்கும் கூடுதலான உயரமும் 38 டன் எடையும் கொண்ட சிலை கோட்டா திங்கி அம்னோ இளைஞர் பிரிவு தெரிவித்த அதிருப்தியைத் தொடர்ந்து நேற்று உடைக்கப்பட்டது.
அச்சிலை அமைந்திருந்த கோயில் அங்குள்ள சூராவுக்கு 50 மீட்டர் தூரத்தில் இருந்ததே காரணம் என்று கோட்டா திங்கி அம்னோ இளைஞர் பிரிவு தெரிவித்ததாக சொல்லப்படுகிறது.
“அச்சிலையை நாங்கள் எடுத்தாக வேண்டியிருந்தது குறித்து வருத்தமடைகிறோம்”, என்று அக்கோயில் நிறுவனர் கோ சின் கோக், 53, கூறினார்.
“அச்சிலையை உருவாக்குவதற்கு நாங்கள் மூன்று முறை சீனா, குவான்ஸாவுக்கு சென்றோம். அதனை இரண்டு கொள்கலன்களில் ஏற்றி கோட்டா திங்கிக்கு கொண்டுவரப்பட்டது.
“நாங்கள் அதற்காக சுமார் ரிம500,000 செலவிட்டோம்”, என்று கோ மலேசியாகினியிடம் கூறினார்.
ஆனால், இது இனப் பிரச்சனையாக மாறக்கூடும் என்ற அச்சத்தின் காரணமாக கோட்டா திங்கி அம்னோ இளைஞர் பிரிவின் நிலை குறித்து கோ கருத்துரைக்க மறுத்து விட்டார்.
கோயில் ஊராட்சி மன்றத்தின் ஒப்புதலைப் பெறுவதற்கு மனு செய்யவில்லை என்பதை கோ ஒப்புக்கொண்டார்.
“அச்சிலையை மீண்டும் நிறுவதற்கு ஊராட்சி மன்றத்தின் ஒப்புதலுக்கு மனு செய்யும் திட்டத்தை கொண்டிருக்கிறோம்”, என்றும் அவர் கூறினார்.
கம்போங் தெம்பியோவில் அக்கோயில் முதலில் 1947 ஆம் ஆண்டில் கட்டப்பட்டது. பின்னர் 2002 ஆம் ஆண்டில் அது மறுநிர்மாணிப்பு செய்யப்பட்டது.
இக்கற்சிலையை கட்டுவதற்கு கோயில் இவ்வாண்டு தொடக்கத்தில் நிதி திரட்டியது. கடந்த மாதம் நிர்மாணிப்பு வேலை முடிவுற்றது.
கட்டுமான பணியை நிறுத்த உத்தரவு
கடந்த மாதம் அம்னோ இளைஞர் தொகுதி இச்சிலையில் படத்தை ஓன்லைனில் கண்ட பிறகு போலீஸ் புகார் ஒன்றை செய்ததாக கூறப்பட்டது.
கோட்டா திங்கி மாவட்ட அதிகாரி கட்டுமான பணியை நிறுத்துமாறு கோயிலுக்கு தேசிய நில சட்டத்தின் கீழ் இரு உத்தரவுகளை பிறப்பித்ததாக கூறப்படுகிறது.
மேலும், கோயில் சாலை, வடிகால் மற்றும் கட்டடம் சட்டம் 1974 செக்சன் 133 ஐ மீறியுள்ளதாகவும் ஊராட்சிமன்றத்தினர் கூறிக்கொண்டனர்.
இதற்கு முன்னதாக, ஜொகூர் சுல்தானுடன் நடந்த ஒரு சந்திப்பில் கோயில் நிருவாகத்தினர் அச்சிலையை எடுத்து விடுவதற்கு ஒப்புக்கொண்டனர் என்று கோட்டா திங்கி மாவட்ட அதிகாரி முகமட் நூர்அஸாம் ஓஸ்மான் கூறியதாக பெர்னாமா தகவல் வெளியிட்டிருந்தது.
நேற்று தொடங்கிய அச்சிலை உடைப்பு மூன்று மணி நேரத்திற்குப் பின்னர் முடிவுற்றது.
தாவோ சமய பாதுகாப்பு தெய்வமான நெஸா சீன மலேசியர்களிடையில் பிரசித்தி பெற்றதாகும்.
இந்த உயிர் அற்ற சிலை எப்படி அய்யா காவல் தெய்வமாகும், மக்களே சிந்தியிங்கள்.சிலையின் மீது ஒரு பறவை அமர்ந்து எச்சம் இட்டாலே இந்த சிலையால் ஒன்றும் செய்ய இயலாது தன்னையே காப்பாற்றி கொள்ளமுடியாதே இந்த சிலை .அப்படி இருக்கையில் எப்படி அய்யா மக்களை காப்பாற்றும் காவல் தெய்வமாகும்!?
நீங்கள் சொல்லும் கருத்து நம் சமையதுக்கும் பொருந்தும் ! சமய விவகாரம் என்பதால் சற்று சிந்தித்து உங்கள் கருத்துகளை கூருங்கள் !
தோழர்… அது ஒரு சக்தியுமற்ற சிலை, தலையில் எச்சமிடும் பறவையையே ஏதும் செய்ய சக்தியற்றதை எப்படி காவல் தெய்வமாக இருக்கமுடியும் என்று கேட்கிறீர்கள். நல்ல கேள்விதான். பிரச்னை இப்போது அதுவல்ல. சக்தியற்ற அந்த சிலை எப்படி எந்த சக்தியைக் கொண்டு கோத்தா திங்கி இலைஞர் அம்னோவை குழப்புகிறது? எப்படி அவர்களுக்கு (அம்னோ காரர்களுக்கு)அதிருப்தி உணர்வை உச்சித் தலையிலிருந்து உள்ளங்கால்வரை ஏற்படுத்துகிறது என்பதுதான் புரியவில்லை. ஆக, அம்னோகாரர்களைக் குழப்பும், தூங்கவிடாமல் செய்யும் , எறிச்சலூட்டும் ஏதோ ஒரு சக்தி அதனிடம் இருக்கும்போது எப்படி சீனர்கள் விட்டுக்கொடுப்பார்கள? சீனர் அவர் கோவிலில் வைத்திருக்கும் சிலைக்கும் அருகாமையில் இருக்கும் சூராவுக்கும் என்ன சம்பந்தம்?ஏன் எதிர்க்க வேண்டும்? கொஞ்சம்கூட சகிப்புத்தன்மை இல்லாத இவர்கள் எப்டி மற்ற இனத்தவர்களோடு பழக இணங்குவார்கள் என்பது புரியவில்லை.
தங்களின் கூற்று படி அது வெறும் சிலைதான். தன்னாலே தன்னைக் காப்பாற்ற முடியவில்லையே. உண்மையிலும் உண்மை.இங்கு நாம் கூர்ந்து கவனிக்க வேண்டிய விசயம் ஒன்றுதான். சிலையில் சக்தி இருந்தால் கண்டிப்பாக ஏதாவது ஓர் அதிசயம் நிகழ்ந்து அச்சிலை உடைபடுவதிலிருந்து தவிர்க்கப்பட்டிருக்கும். பின் ஏன் இந்த சிலை வழிபாடு. உண்மையில் கடவுள் என்ற உன்னத சக்தி நம்பும் நம் மனதில் உள்ளது. நம் எண்ண அலைகள் ( நம்பிக்கை)(மந்திரம்)இந்த பிரபஞ்சத்திற்கு அனுப்பும் தகவல் சக்தியாக உருமாறி அவ்விடம்/அச்சிலை சக்திக்கு உட்பட்டதாக ஆக்கிவிடுகின்றன.சிலை/உருவ வழிபாடு இல்லாத பிற மதத்தவர்களையும் கடவுள் காக்கின்றாரே.கடவுள் என்பர் ஒவ்வொரு மனிதனின் நம்பிக்கைக்கு உட்பட்ட சக்தி என்பது என் கருத்து.
எந்த சமயம் ஆனால் என்ன ? தோழர் சொன்னது சரி தான் ..
சிலை உடைப்பது தவறு !
உண்மைதான்! வெறும் சிலைதான். தெரியாமல்தான் கேட்கிறேன், ஜூலை 17ல் ‘சிலை உடைப்பு’. இதே ஜூலை 17ல் ‘மாஸ் விமானம் வெடிப்பு’. சிலையில் ‘சக்தி’யில்லை, ஆனால் விமானமோ ‘சகதி’யில்.
அந்தப் பாதுகாப்பு தெய்வம் எந்தச் சத்தமும் போடாமல் யாருக்கும் எந்தத் தொல்லையும் கொடுக்காமல் சும்மா நின்று கொண்டு தானே இருக்கிறது. இதனால் யாருக்கு என்ன தொல்லை?
சிங்கம் உங்கள் கருத்து அருமை ஹா ஹா, மொட்டைக்கும் முழங்காலுக்கும் முடித்து போடுகிறிர்கள்.
வெறும் சிலையென்று சொல்லும் அன்பர்கள், வீட்டிலோ அல்லது கோயிலிலோ அல்லது தங்கள் தெய்வ வழிபாட்டினை எவ்வாறு கொள்கிறீர்கள் என்று மக்களுக்கு தெரிவித்தால் கருத்து பரிமாற்றம் செய்யலாமல்லவா???
சிங்கம் …..ஹா ஹா ஹா சரியான கூமுட்டையா நீ ,,,,அதற்கு சம்பதமே இல்லாத 200 கும் மேற்பட்ட வெள்ளைக்காரர்கள் என்ன பாவம் செய்தார்கள் , கொஞ்சம் கண்களை திறந்து பாருங்கப்பா , இல்லைனா பெரியாருடைய புத்தகங்கள் கிடைத்தால் எடுத்துப்படின்கப்பா ….
சிங்கம்,தமிழன் மிக சிரந்த கருத்து,யோசிக்க வைக்கும் மருந்து.தூங்குபவனை எலுப்பலாம் தூங்குவது போல் நடிப்பவனை எலுப்ப முடியாது,எழுப்பவும் வேண்டாம்.தமிழ் தமிழ் என்று கூவுவார்கள் ஆனால் தமிழர் அல்லாதோரை தலையில் தூக்கி வைத்து ஆடுவார்கள் பெரியார் என்ன தமிழனா இருந்தும் பாராட்ட வேண்டும் அந்த இனத்தாரை,காரணம் ஒரு இனத்தை முட்டால் ஆக்குவது என்ன சுலபமா ஆனா ஆக்கிட்டாரே இதற்கெல்லாம் நெஞ்சில் உறம் வேண்டும்.அன்வர் போல்,வாழ்க நாராயண நாமம்.
நல்லதை, அறிவுபூர்வமானதை, அறிவுலகம் ஏற்றுக்கொண்டதை, சமூக முன்னேற்றம் கருதி யார் சொன்னாலும் ஜாதி,இனம், மொழி பாராமல் ஏற்றுக்கொள்வதே அறிவுடையோர் செயல். பெரியார் மனிதனுக்கும், தமிழனுக்கும் அதிகமாக தன் அறிவை சமர்பித்துள்ளார். பெரியாரை நாங்கள் பாராட்டினால் அவர் என்ன சாதி, இனம் என்று பார்த்து அல்ல. அவருடைய கருத்து எந்த அளவிற்கு பயனுள்ளது என்பதை அறிந்தே பாராட்டுகேறோம்;வரவேற்கிறோம். அதற்காக பெரியார் சொல்வதெல்லாம் தாரக மந்திரம் என்று கண்களை மூடிக்கொண்டு ஆதரிப்பவர்கள் அல்லர் நாங்கள். பெரியாரும் அதை விரும்பமாட்டார். ஒரு இனத்தையே பெரியார் முட்டாளாக்கிவிட்டார் பெரியார் என்று சொல்லும் காயீ அவர் எதில் முட்டாளாக்கினார் என்பதைத் தெளிவுபடுத்தாமல் பொதுவாக கருத்து எனும் பெயரில் வாந்தி எடுப்பதை எப்படி ஏற்றுக்கொள்ள இயலும்?
சிலைகளில் சக்தி இருக்கிறதோ இல்லையோ, சிலைகளில் உயிர் இருக்கிறதோ இல்லையோ, அந்த சிலைகளை எழுப்ப பாடுபட்டவர்களின் மனநிலையையும் அந்த சிலை நம்பிக்கை உடையவர்களின் மன உளைச்சலும் சொல்லில் அடங்கா. அச்சிலையினை அகற்ற முற்பட்டவர்கள், இதனை உணர தவறியதன் காரணமென்ன?
இதற்கு ஒரே காரணம்… எல்லையற்ற இனவெறிதான்.
ஒவ்வொரு மத நம்பிக்கைக்கு மற்றவர் மதிப்பளிக்க வேண்டும். மஹாதீர் காலத்திற்கு முன் இன, மத நல்லிணக்கம் பிரச்சனையாக உருவெடுக்க வில்லையே ! ஏன் இப்போது மனிதனும் மதமும் இப்படி சீரழிக்கப்படுகின்றன?
எந்த முகத்தை வச்துகித்டு satu மலேசியா சொள்ளருங்க.முட்டல்,மதவெறி புடிச்சவனுங்க,அழிவை நோக்கி,போரனுங்கனு.
ஒரு பொருளாய் உருவாகுவது கடினம் !அழிப்பது சுலபம் !அப்படி பார்த்தல் ஒவ்வொரு நாட்டிலும் நினைவு சின்னங்கள் உள்ளன அடுத்தவர் உரிமைகளில் கை வைத்தல் அது என்றும் துன்பமே !