சொலிடேரிடி  அனாக்  மூடா  மலேசியா(எஸ்ஏஎம்எம்) சிங்கப்பூருக்குச்  செல்லும்  வழியான  ஜோகூர் பாரு  சுங்கத்துறை, குடிநுழைவுத்துறை, குவரண்டின் (CIQ) வளாகத்தில்  சாலைக் கட்டணத்தை அளவுமீறி  உயர்த்தும்  முடிவைக் கண்டித்துக்  கூட்டங்கள்  நடத்தப்பட  வேண்டுமென  வலியுறுத்தியுள்ளது.

“பொதுப்  போக்குவரத்து  நிறுவனங்களும், ஊழியர்களும் பாதிக்கப்படும் மற்றவர்களும்  அம்முடிவுக்கு  எதிராக   தொடர்ந்து  ஆர்ப்பாட்டம்  செய்ய  வேண்டும்  என  ஜோகூர் எஸ்ஏஎம்எம்  கேட்டுக்கொள்கிறது…….சாலை குத்தகையாளர்களுக்கும்  அரசாங்கத்துக்கும்  நல்ல  பாடம்  கற்பிக்க வேண்டும்”, என அந்த  என்ஜிஓ-வின்  ஜோகூர்  ஒருங்கிணைப்பாளர்  முகம்மட்  அஸ்ரோல் அப்  ரஹானி  கூறினார்.

நேற்று,  தொழிற்சாலை  பேருந்து  ஓட்டுனர்கள் சாலைக் கட்டணத்தைச்  செலுத்த மறுத்ததை  அடுத்து CIQ-இல்  காலை 5 மணி  தொடங்கி  மூன்று  மணி  நேரத்துக்கு  போக்குவரத்து  நிலைகுத்தியது.