இண்ட்ராப்  தலைவர்  பி.வேதமூர்த்தி,  இந்திய  சமூகத்துக்காக  பிரதமர்  நஜிப்  அப்துல்  ரசாக்  கொடுத்ததாகச்  சொல்லப்படும்  ரிம540 மில்லியன்  எப்படிச்  செலவிடப்பட்டது  என்பதை  மஇகா  தலைவர்  ஜி.பழனிவேல்  தெளிவுபடுத்த  வேண்டும்  எனக்  கோரிக்கை  விடுத்துள்ளார்.

இந்தத்  தொகை பற்றி  நஜிப்பே  இவ்வாண்டு தொடக்கத்தில் பிரதமர்துறை  துணை  அமைச்சர்  பதவியிலிருந்து  வேதமூர்த்தி  வெளியேறியதை  அடுத்து  கூறியிருந்தார்.

“இந்திய  சமூகத்துக்காக  இந்தத்  தொகை  கொடுக்கப்பட்டதை  மஇகா  தலைவர்  ஒப்புக்கொள்கிறாரா அல்லது  மறுக்கிறாரா  என்பதை இண்ட்ராப்  அறிய  விரும்புகிறது. அப்படி  அது  கொடுக்கப்பட்டிருந்தால்  இந்திய  சமூகத்திடம்  அது  எப்படிப்  பிரித்தளிக்கப்பட்டது  என்பதற்கு  அவர்கள்தாம் கணக்கு  காட்ட  வேண்டும்”, என  முகநூலில்  வேதமூர்த்தி  குறிப்பிட்டிருந்தார்.

“அது  உண்மை  அல்லவென்றால் பழனிவேல்  தாமே  முன்வந்து  பிரதமர் சொன்னது  உண்மையல்ல  என்பதை  உரைத்திட  வேண்டும்”.

நாட்டில்  இந்தியர்கள் படும்  துயரங்களைக்  கண்டுக்கொள்ளாமலேயே  இருந்தால்  அச்சமூகம்  “திரும்பி  வர  முடியாத  நிலைக்குச் சென்றுவிடும்”, எனவும்  வேதமூர்த்தி  எச்சரித்தார்.