சிலாங்கூர்  மந்திரி  புசார்  சர்ச்சை  தொடர்பில்  மாநிலச்  சட்டமன்றம்  கலைக்கப்பட்டு  திடீர்  தேர்தல்  நடத்தப்பட  வேண்டும்  என்று  மசீச  கேட்டுக்கொண்டுள்ளது.

“புதிதாக  தேர்தல்  நடத்தப்பட்டால், பிஎன் சிலாங்கூரில்  ஆட்சியைக்  கைப்பற்ற  முடியும்  என  நம்புகிறோம்”, என  சிலாங்கூர்  மசீச  தொடர்புக்   குழுச்  செயலாளர்  இங்  சொக்  சின்  கூறினார்.

13வது  பொதுத் தேர்தலில் 14 இடங்களிலும்  தோல்வியுற்ற  மசீச-வுக்கும்   இழந்த  இடங்களைத்  திரும்பக்  கைப்பற்றும்  விருப்பம்  இருக்கிறது.

“ஒரு  சில  இடங்களையாவது திரும்ப  வெற்றிகொள்ள  முடியும்  என்று  நம்புகிறோம்”, என்றவர்  சொன்னார்.