மலேசிய  அரசாங்கம்  முன்னாள்  தூதரக  இராணுவ  அதிகாரி  ரிஸல்மானை  நீதிமன்ற  விசாரணைக்காக   நியு சிலாந்துக்கு  அனுப்பி  வைக்க  ஏற்பாடுகள்  செய்து  வருகிறது.

“இதன்  தொடர்பில்  மலேசியாவும்  இந்தோனேசியாவும்  தேவையான  சட்ட  நடைமுறைகள்  குறித்து  விவாதித்து  வருகின்றன”, என  வெளியுறவு  அமைச்சின்  அறிக்கை  ஒன்று  கூறிற்று.

இவ்விவகாரத்தில்  ஒரு  மாத காலமாக  நிலவிய  மவுனத்தை இந்த  அறிக்கை கலைத்துள்ளது. இதற்குமுன்  அமைச்சு  ஜுலை  முதல் நாள்  வெளியிட்டிருந்த  அறிக்கையில்  அமைச்சர்  அனிபா  அமான்  ரிஸல்மான்  நியு  சிலாந்திலிருந்து  எப்படி  மலேசியாவுக்கு  அனுப்பப்பட்டார்  என்பதை விளக்கியதுடன்  அவ்விவகாரத்தில்  எதுவும்  மூடி  மறைக்கப்படாது  எனவும்  கூறி இருந்தார்.