‘கெல்வின்  இப்’  பற்றித்  தெரிந்தவர்கள்  தகவல்  தெரிவிக்க  முன்வரவேஎண்டும்  என  போலீஸ்  கேட்டுக்கொண்டிருக்கிறது.  பள்ளிவாசலின்  பாங்கொலி  மிகுந்த  சத்தமாக ஒலிக்கிறது  என  முகநூலில்  பதிவிட்டதற்காக  அம்னோ  இளைஞர்  பகுதி,  மலாய்  உரிமைக்காக  போராடும்  என்ஜிஓ-கள் ஆகியோரின்  கண்டனங்களுக்கு இலக்காகி  இருக்கும் ஓர்  இளைஞர்  அவர்.

இப்  மீது  விசாரணை  தொடக்கப்பட்டிருப்பதாக  துணை  இன்ஸ்பெக்டர்- ஜெனரல்  முகம்மட்  பக்ரி  ஸினின்  கூறினார். ஆனால், அவரைப்  பற்றி  அதிகம்  தெரியவில்லை  என்றாரவர். இப்  என்ற  பெயரில்  வேறு  யாரோகூட  ஒளிந்திருக்கலாம்  என்பதையும்  போலீஸ்  மறுக்கவில்லை. இப்-பின்  முகநூல்  பக்கம்  இப்போது  அகற்றப்பட்டுள்ளது.

“பதிவிட்டது  கெல்வின் இப்-தானா  அல்லது  அவரது  பெயரில்  வேறு  யாராவது  முகநூலில்  சீண்டி  விளையாடுகிறார்களா  என்பதும்  உறுதியாக  தெரியவில்லை”, என  பக்ரி  தெரிவித்ததா  சினார்  ஹரியான்  கூறிற்று.