சிலாங்கூர்  மந்திரி புசார்  அப்துல்  காலிட்  இப்ராகிம்,  தாம்  கட்சிநீக்கம்  செய்யப்பட்ட  முறையை  ஆட்சேபித்து   பிகேஆருக்கு  சட்ட  அறிவிக்கை  அனுப்பி  வைத்துள்ளார்.

அவ்வறிவிக்கை  நேற்று  பிகேஆர்  தலைவர்  வான்  அசீசாவிடம்  ஒப்படைக்கப்பட்டதாக  உத்துசான்  மலேசியா  கூறியது.

பிகேஆர்  ஒழுங்கு  வாரியம்  காலிட்டைக்  கட்சிநீக்கம்  செய்வதில்  அவசரப்பட்டு  நடந்து  கொண்டதென  அந்த  அறிவிக்கையில்  குறிப்பிடப்பட்டிருப்பதாக  அச்செய்தி  தெரிவித்தது.

“எங்கள்  கட்சிக்காரருக்குக்  கட்சியில்  முறையீடும்  செய்யும்  உரிமை  உண்டு  ஆனால்,  முடிவு  முன்பே தீர்மானிக்கப்பட்டு  விட்டதால்,  ஒழுங்கு  வாரியத்  தலைவர்  டாக்டர்  டான்  கீ  குவோங்  அதைப் புறக்கணித்திருக்கிறார்”, என  அந்த  அறிவிக்கை  கூறியது.