சிலாங்கூரில்  இரண்டு  ஊராட்சி  மன்றங்கள்,  இஸ்லாம்  மற்றும்  மலாய்  மேலாதிக்கத்தை  வலியுறுத்தும்  விளம்பரப்  பலகைகளை  வைப்பதற்கு  அனுமதி  கேட்டு  ஈக்காத்தான்  முஸ்லிமின்  மலேசியா(இஸ்மா),   செய்திருந்த விண்ணத்தை  நிராகரித்துள்ளன.

விளம்பரப் பலகைகள் “எளிதில் உணர்ச்சிவசப்படவைக்கும்” வாசகத்தைக் கொண்டிருப்பதாகக்  கூறி  ஷா  ஆலம்  மற்றும்  செலாயாங்  ஊராட்சி  மன்றங்கள்  அனுமதி  அளிக்க  மறுத்து  விட்டதாக  இஸ்மா  தெரிவித்தது.

அந்த  விளம்பரப்  பலகையின்  மாதிரிகளில்  இஸ்மா  தலைவர்கள் உருவப்படத்துடன் அந்த  என்ஜிஓ-வின்  சின்னமும் பொறிக்கப்பட்டிருந்தன.

பின்வரும்  வாசகமும்  இடம்பெற்றிருந்தது:  ‘Marilah kita sama-sama berjuang demi keagungan Islam dan kedaulatan bangsa Melayu di Tanah Melayu ini.’ (வாரீர், மலாய்  பூமியில்  இஸ்லாம்  மற்றும் மலாய்  மேலாதிக்கத்தின்  மகத்துவத்தின்  பொருட்டு ஒன்றிணைந்து  போராடுவோம்).