பிகேஆர்,  சிலாங்கூர்  மந்திரி  புசாராக  அப்துல்  காலிட்  இப்ராகிமுக்குப்  பதிலாக  அதன்  தலைவர்  டாக்டர்  வான்  அசிசா  நியமிக்கப்பட  வேண்டும்  என்பதையே  தொடர்ந்து  வலியுறுத்தி  வந்தது. பாஸ், இப்போது  இன்னொரு  பெயரையும்  சேர்த்துக்  கொண்டிருக்கிறது.

இன்று  இரண்டு  மணி  நேரம்  கூடிப்  பேசிய  பாஸ்  மத்திய  குழு மந்திரி  புசாராக  வான்  அசிசா  அல்லது  பிகேஆர்  துணைத் தலைவர்  அஸ்மின்  அலி நியமிக்கப்படுவதை  ஆதரிப்பதாக  அறிவித்துள்ளது.

பாஸ்  முடிவு  குறித்து கருத்துரைக்குமாறு  அஸ்மினைக்  கேட்டதற்கு  அம்முடிவு  தமக்கு  இன்னமும்  முறைப்படி  தெரிவிக்கப்படவில்லை  என்றார்.

இன்று  பிற்பகல்  நடக்கும் பக்கத்தான்  ரக்யாட்  தலைமைத்துவ  மன்றக் கூட்டத்துப்  பின்னர்  அவ்விவகாரம்  பற்றி அவர் அறிக்கை  வெளியிடுவார்.

“நல்லதே  நடக்க  வேண்டிக்  கொள்வோம்”,  என்றும்  அவர்  குறிப்பிட்டார்.