பிரதமர்துறை  அமைச்சர்  இட்ரிஸ்  ஜாலா,  தத்தளித்துக்  கொண்டிருக்கும்  மலேசிய  விமான  நிறுவனத்தை  இழுத்துப்  பிடித்து  நிறுத்த  தாம்  மீண்டும்  அங்கு  திரும்பிச்  செல்லப்போவதாகக்  கூறப்படுவதை  மறுத்துள்ளார்.

“நான் எம்ஏஎஸ்-ஸுக்குத்  திரும்பப்  போவதாக  இணையத்தில்  ஊகங்கள் தெரிவிக்கப்பட்டிருப்பதைப்  பார்த்தேன். நான்  அங்கு செல்லப்போவதில்லை. இங்குதான்  இருக்கப்  போகிறேன்”, என்று  பெமாண்டு  தலைவர்  இன்று  காலை  டிவிட்டரில்  தெரிவித்திருந்தார்.

இட்ரிஸ்  ஜாலா  2009-வரை  எம்ஏஎஸ்  தலைமை  செயல்  அதிகாரியாக  இருந்தார்.