சிலாங்கூர்  சுல்தான்  நினைத்தால்  சட்டமன்றத்தைக்  கலைக்கலாம். அது வெஸ்ட்மின்ஸ்டர்  பாரம்பரியத்துக்கு  ஏற்புடையதல்ல  என்றாலும்  சுல்தானுக்கு  அந்த  அதிகாரம்  உண்டு.

“சுல்தான்  திங்கள்கிழமை  சட்டமன்றத்தைக்  கலைக்க   முடிவு  செய்தால்  அதைத்  தடுக்கவியலாது”, என  அரசமைப்புச்   சட்ட  நிபுணர்  அப்துல்  அசீஸ்  பாரி, நேற்றிரவு  ஒரு  கருத்தரங்கில்  கூறினார்.

அதேவேளை,  காமன்வெல்த்  நாடுகளில்  ஆட்சியாளர்கள்  அரசியலில்  சம்பந்தப்படாமலிருப்பதே  வழக்கமாகும்  என்பதையும்  அசீஸ் பாரி  நினைவுறுத்தினார்.

இது  முக்கியம்.  ஏனென்றால்  இன்றைய  நிலையில்  சிலாங்கூர்  சட்டமன்றத்தைக்  கலைக்க  வலுவான  காரணம்  இல்லை  என்றாரவர்.