சிலாங்கூர்  மந்திரி  புசார்  விவகாரத்தில் பாஸ்  நேரத்துக்கு ஒரு  பேச்சு  பேசுவதைக்  கண்டு  கடுப்பாகியுள்ள  மாநில  டிஏபி  பக்கத்தான்  ரக்யாட்  தொடர்ந்து  இருக்கத்தான்  வேண்டுமா  என்று  யோசிக்கத்  தொடங்கியுள்ளது.

நேற்றிரவு  சிலாங்கூர்  டிஏபி-இன்  அவசரக்  கூட்டத்தில்  இது பற்றி  விவாதிக்கப்பட்டிருகிறது.

“பாஸ்,  அது  கொடுத்த  வாக்குறுதியை  மதிக்காமலும்  பங்காளிக்  கட்சியின்  தலைவர்  புதிய  எம்பி  ஆவதற்கு   ஆதரவு கொடுக்க  பிடிவாதமாக  மறுப்பதையும்  பார்க்கையில் கூட்டணி  தொடர்வது  தேவைதானா  என்று  யோசிக்க  வேண்டியுள்ளது”, என மாநில  டிஏபி  தலைவர்  டோனி  புவா  மலேசியாகினியிடம்  தெரிவித்தார்.

ஆனால்,  இவ்விவகாரம்  தொடர்பில் அக்கூட்டத்தில்  எந்த  முடிவும் எடுக்கப்படவில்லை  என்றும்  புவா கூறினார்.