அரசாங்கம் பக்கத்தான்  ரக்யாட்  தலைவர்களுக்கு  எதிராக  தேச நிந்தனைச்  சட்டத்தைப்  பயன்படுத்தும்போது  பாஸ் எம்பிகள்  நால்வரின்  தலையை  வெட்டப்  போவதாக  மிரட்டிய பெர்காசா  தகவல்  பிரிவுத் தலைவர்  ரஸ்லான்  காசிமுக்கு  எதிராக  நடவடிக்கை  எடுக்காலிருப்பது  ஏன்  என்று  பிகேஆர்  இளைஞர்  தலைவர்  நிக்  நஸ்மி  நிக் அஹ்மட்  கேட்கிறார்.

“பிஎன், ஈக்காத்தான்  முஸ்லிமின்  மலேசியா(இஸ்மா), பெர்காசா ஆகியவற்றின்  தலைவர்கள் குற்றவியல்  தன்மை  கொண்ட  அறிக்கைகளை  வெளியிட்டிருக்கிறார்கள். எந்த  நடவடிக்கையும்  எடுக்கப்பட்டதில்லை”, என்றாரவர்.

தேச நிந்தனைச்  சட்டத்தை அகற்றும்படியும்  பக்கத்தான் தலைவர்களுக்கு  எதிராக  அச்சட்டத்தைப்  பயன்படுத்துவதை  நிறுத்தும்படியும் நிக்  நஸ்மி பிரதமர்  நஜிப்  அப்துல்  ரசாக்கைக்  கேட்டுக்கொண்டார்.,

“ஜூலை  2012-இல்  தேச  நிந்தனைச்  சட்டம்  அகற்றப்படும்  என்ரு  நஜிப்  அறிவித்தார். இரண்டாண்டுகள்  ஆயிற்று, அது  வெற்று  வாக்குறுதியாகத்தான்  தெரிகிறது”, என்றவர்  சொன்னார்.