தமது நாட்டு மக்களையே கொடுமைப்படுத்துவது வீரமல்ல என்று பிரதமர் நஜிப் ரசாக்கை மலேசிய வழக்குரைஞர் மன்றம் மற்றும் பெர்சே இயக்கம் ஆகியவற்றின் முன்னாள் தலைவரான அம்பிகா சாடினார்.
துணிச்சல் என்பது குறைகூறல்களுக்கு எதிராக கடும் நடவடிக்கை எடுப்பது என்பதாகாது, அது கொடுமைப்படுத்துதல் ஆகும் என்று கூறிய அம்பிகா, “குறைகூறல்களை எதிர்கொள்வது மற்றும் குறைகூறுவோர்களுடன் கருத்துப் பறிமாற்றம் செய்வது போன்றவைதான் துணிச்சல். அதைத்தான் நாம் தலைமைத்துவத்திடமிருந்து எதிர்பார்க்கிறோம்”,என்றாரவர்.
தற்போது தேசிய நிந்தனைச் சட்டத்தின் கீழ் மேற்கொள்ளப்பட்டு வரும் கடும் நடவடிக்கை “உமது சொந்த மக்களையே கையாளும் வெறுக்கத்தக்கச் செயல்”, என்று அவர் வர்ணித்தார்.
எம்எச் 17 சம்பவத்தில் நஜிப் உக்ரெய்ன் பிரிவினைவாதிகளுக்கு ஈடுகொடுத்து சிறப்பாகச் செயல்பட்டது போல் இங்கும் செய்ய வேண்டும் என்று அவர் பிரதமரை கேட்டுக் கொண்டார்.
சமீபத்தில், பிரதமர் நஜிப் ஆற்றிய உரையில் ஒற்றுமையை வலியுறுத்தி பேசினார். உருமாற்றம் மற்றும் அகண்ட ஜனநாயக நடைமுறை
ஆகியவற்றுக்கு உறுதியளித்த பிரதமர் இப்போது “கொடுமைப் படுத்தி அடக்கும் முன்மாதிரிகளை” அமைக்கிறார். அதனை மற்றவர்கள் பின்பற்றுகிறார்கள் என்று தமது ஏமாற்றத்தை வெளிப்படுத்தினார் அம்பிகா.
கொடுமைக்காரார்கள் சமுதாயமா?
மலேசியாகினி செய்தியாளருக்கு எதிராக பெர்காசா பெரும் எண்ணிக்கையில் செய்துள்ள போலீ புகார்கள் பற்றி குறிப்பிட்ட அம்பிகா, “நாம் என்ன கொடுமைக்காரர்கள் சமுதாயமாக மாறிக் கொண்டிருக்கிறோமா?”, என்று வினவினார்.
(தேச நிந்தனை) குற்றச்சாட்டுகளை திரும்பப் பெறுவதின் வழி நஜிப் இவற்றை எல்லாம் மாற்ற முடியும் என்றாரவர்.
“நாம் இப்போது மாறுபட்ட யுகத்தில் இருக்கிறோம். இப்போதைய நிலைமையே வேறுபட்டதாகும், சோசியல் மீடியா இருக்கிறது, விபரம் தெரிந்த மக்கள் இருக்கிறார்கள்.
“நமது தலைவர்கள் அறிவு குறைந்திருந்த இருண்ட காலத்திற்கு உரிய திட்ட அமைப்புகளிலிருந்து வெளியேறி 21 ஆம் நூற்றாண்டில் கால் பதிக்க வேண்டும்”, என்றார் அம்பிகா.
கால் நடுக்கம் கண்டால் புத்தி தடுமாற்றம் ஏற்படுவது இயற்கைதானே??? மக்களின் ஆதங்கத்தையும் உண்மையான எதிர்ப்பார்ப்பையும் உணர்ந்து சிறந்த மாற்றத்தினை செயல் படுத்துவதே திறமையான தலைவர்களுக்கு அழகும் மதிப்பும்.
அறிவார்ந்த கருத்து அம்மையாரே ,உங்களைப்போன்ற துணிவுள்ளவர்கள் ஓய்ந்து விடலாகாது .
உண்மை ,நேர்மை என்பவர்கள் இதுபோல் பேசிய / …பேசிக்கொண்டிருக்கும் இன்னொரு வர்க்கத்தினரையும் அடக்கி வைக்கும் நிலை வராத வரை , நாம் வளர்ச்சி பெற்றவர்கள் என்றோ …,முன்னேற்றமான நாடு என்றோ பிதற்றுவது …ஊரை ஏமாற்றும் வேலை !!!
மக்கள் : வீரம் என்றால் என்ன ???
நக்கல் : உண்மையான சுதந்திர போராட்டவாதிகளை விரட்டிவிட்டு
நாங்கள்தான் சுதந்திரத்துக்காக போராடினோம் என்று
மார் தட்டி கொள்வது. உதாரணம் மலேசியா.
ந்மது பிரதமர் பிரதமர் வேலையை மட்டுமே செய்துகொண்டிருக்கின்றார் என்று நினைக்கின்றேன். பேராசைக்காரர்களின் சதிப்பின்னலில் சிக்கிக்கொண்டிருக்கிறார். மக்களை இம்சைக்குள்ளாக்கும் வேலைகளில் அவருக்கு சம்பந்தமில்லை என்று நினைக்கிறேன். முந்தைய பிரதமர் மஹாதிர் காலத்தில் அவர் சொல்வதைக் கேட்டவர்கள்தான் அமைச்சரவையிலும் இருந்தார்கள்…அவரைச் சுற்றி உள்ளவர்களும் இருந்தார்கள். இப்போது அப்படியில்லை என்பது பிரதமர் நஜீப்பின் துரதிர்ஷ்டம். வாத்தியாரின் பலவீனங்கள் அறிந்த மாணவர்கள் வத்தியாயரையே பந்தாடுவதைப்போலத்தான். அம்பிகா அவர்கள் சொல்வதுபோல் உக்ரேய்ன் விடயத்தில் நமது பிரதமர் கையாண்ட விதம் போற்றத்தக்கது. அதைச் செய்யமுடிந்த அவரால் இதைச் செய்ய முடியவில்லை என்றால் என்ன அர்த்தம். மஹாதீர் அவர்களிடம் அவருடைய கௌரவம் பணயம் வைக்கப்பட்டிருக்கிறது. அவர் சொல்வதைத்தான் அமைச்சர்கள் செயல்படுத்தத் தொடங்கியிருக்கிறார்கள். ஒரு சுதந்திர தினத்தில் அன்வாரை கைது செய்தார்கள். இந்த சுதந்திர தினத்தில் அவ்ர்களுக்கு வேண்டாதவர்களை கைது செய்கிறார்கள். காவல்துறையும் இப்போது மஹாதீர் கைகளில். பிரதமர் நஜீப்பின் துணைவியார் அவர்களை பொது நிகழ்வுகளில் காண்பது இப்போதெல்லாம் அரிதாகிவிட்டது. நஜீப்பின் கை ஓங்கியிருந்தபோது பாஸ் கட்சியிடம் கொஞ்சம் தளர்வு இருந்தது பக்காத்தான் விடயத்தில். இப்போது அவர்கள் பின்வாங்குகிறார்கள் என்றால் என்ன காரணம். மஹாதீரின் உள்ளீடுகள் அவர்களுக்குப் பிடிகவில்லை என்பதுதானே அர்த்தம். .
உண்மைக்கு ஒரு பாராடுக்கள் .
எவனோ பின்னாலிருந்து சாவி கொடுக்கிறான்….
ஆட்டுவித்தால் யாரொருவர் ஆடாதாரே கண்ணா…
அங்கிருந்து ஆட்டுகின்றவன் தினம் ஆடுகின்ற நாடகம் இது….