செல்வாக்கு மிக்க ஹராக்கா கட்டுரையாளர் ஒருவர் “காஜாங் பயணம்” பக்கத்தானிலிருந்து பாஸ் கட்சியை தனிமைபப்படுத்தும் முயற்சியாகிக் கொண்டிருக்கிறது என்று கூறுகிறார்.
காஜாங் பயணத்தால் உருவான சிலாங்கூர் நெருக்கடி எதிரணியான பக்கத்தான் ரக்யாட்டில் உறவு நிலையை பொசுக்கும் மருட்டலாகி இருக்கிறது.
சிலாங்கூர் மாநிலத்தின் அடுத்த மந்திரி புசாராக பிகேஆரின் தலைவர் வான் அஸிசா நியமிக்கப்படுவதில் பாஸ் பின்பற்றி வரும் முரண்பாடான போக்கால் அது அதிகப்படியான தாக்குதல்களை பெற்றுள்ளது.
சோசியல் மீடியாவில் பிகேஆர் மற்றும் டிஎபி ஆதரவாளர்கள் அவர்களுடைய கட்சிகள் பாஸ் கட்சியுடனான உறவை துண்டித்துக் கொள்ள வேண்டும் என்று வற்புறுத்தி வருகின்றனர்.
ஆனால், பலராலும் மதிக்கப்படும் பாஸ் கட்சியின் முன்னாள் தகவல் பிரிவு தலைவர் விவாகரத்து பக்கத்தானிலுள்ள அனைத்து கட்சிகளையும் பாதிக்கும் என்று எச்சரித்துள்ளார்.
பாஸ் வட்டாரத்தில் செல்வாக்கு மிக்க எழுத்தாளரான சுப்கி லத்திப், தற்போதைய மந்திரி புசார் காலிட்டை பதவியிலிருந்து அகற்றுவது மட்டுமல்லாமல், காஜாங் பயணம் பாஸ் கட்சியை பக்கத்தானிலிருந்து தனிமைப்படுத்தும் நோக்கத்தையும் கொண்டிருந்தது என்று அவர் ஹராக்காடெய்லியில் எழுதியுள்ளார்.
மலாய்க்காரர் அல்லாதவர்களின் வாக்குகளின் முக்கியத்துவத்தை பாஸ் கட்சி அன்வார் இப்ராகிம் தொடக்கப்பள்ளிக்கு செல்வதற்கு முன்பே உணர்ந்திருந்தது என்று லத்திப் சுட்டிக் காட்டியுள்ளார்.
சீன வாக்குகளை அடைவதற்கான பாஸ் கட்சியின் முயற்சியை நாசப்படுத்தும் நடவடிக்கையில் அன்வார் இப்ராகிம் துணைப் பிரதமராக
இருந்த காலத்தில் மகாதீருடன் இனைந்து ஈடுபட்டார் என்பதை லத்திப் நினைவு கூர்ந்தார்.
“பாஸ் தொடக்கத்திலிருந்து பக்கத்தானிலிருந்து சிறிதும் அசைந்து கொடுக்கவில்லை. பக்கத்தானிலிருக்கும் பாஸ்சின் நண்பர்கள்தான் வேறுபாடுகளைக் கலைவதற்கு பாஸ்சுக்கு உதவவில்லை”, என்று அவர் மேலும் கூறினார்.
நிலைமை இப்படி இருக்கையில், பக்கத்தானிலிருந்து பாஸ் வெளியேறினால், பிகேஆரும் டிஎபியும் கூட பல இருக்கைகளை இழக்க நேரிடும்.
மலாய்க்காரர்களின் வாக்குகளை கொண்டுவர பாஸ் பக்கத்தில் இல்லாமல் டிஎபி ஒரு “மலேசியன் மலேசியா” கட்சியாக மாற இன்னொரு 50 ஆண்டு காலத்திற்கு காத்திருக்க நேரிடும்.
“அதற்குள், கிட் சியாங் போய் விடுவார். பின்னர் அவரது மகன் லிம் குவான் எங்கும் கூட.
” ‘சகோதரர்’ அன்வாரின் இழப்பு என்னதாக இருக்கும்? பிரதமராகாமல் காலமாகி விடுவாரா?” என்று லத்திப் வினவியுள்ளார்.
பாஸ் கட்சிக்கு மட்டுமே நிரந்திர இழப்பு என்று திருத்திச் சொல்லுங்கள். எவன் ‘காபீர்’ என்றும் இஸ்லாத்துக்கு புறம்பான அரசியல் நடத்தும் கட்சி என்று விமர்சனம் செய்தார்களோ அவர்களிடமே சரணாகதி அடைந்து அரசியல் பிச்சை கேட்டால் அவனுக்கும் இவனுக்கும் என்ன வித்தியாசம்?.
நம்பிக்கைத் துரோக எண்ணங்களை முதுகில் சுமந்து வாக்களித்த மக்களை ஏமாற்றும் வகையில் அம்நோவுடன் கைகோர்க்க எண்ணம் கொண்ட உங்களை என்ன வென்று சொல்வது?? முந்தய தாத்தா பாட்டி கதைகளெல்லாம் இப்போது வேகாது. கூட்டணியில் இருந்துகொண்டே குழிபறிக்கும் பாஸ் கட்சியினரின் கொள்கை இஸ்லாமுக்கே அவமானம். இஸ்லாம் நல்லதையே சொல்கிறது. இஸ்லாமை முதன்மையாக கொண்ட பாஸ் கட்சி கூடவே இருந்து பேராசை கொண்டு குழி பறிக்கிறது.. பேராசை பாசுக்கே பேர் இழப்பை கொண்டுவரும். பாஸ் கூட்டணியிலிருந்து விலகினால், ஒருகால் ஒரு சில இடங்களை இழக்க நேரிடும் ஆனால், உண்மையான இஸ்லாமிய மக்கள் நீதிக்கும் நேர்மைக்கும் உறுதுணையாய் நிர்ப்பர் என்பதில் எள்ளளவும் சந்தேகமில்லை…
எதிரியை கூட மன்னிக்கலாம். துரோகியை வேரோடு சாய்ப்பதே நலம். சிறு புண் புற்றுநோயாய் பரவுவதற்குள் அறுவை சிகிச்சை செய்வதே நலம்….பாஸ் கட்சியின் கூட்டணி புற்றுநோயைப் போன்றாதாக உள்ளது.
அப்படி பாஸ் பக்காத்தானில் இருந்து வெளியேறினால் அடுத்தபடியாக ஒரு தமிழர் கட்சிக்கு இடம் கொடுத்து பாசத்துடன் இணைத்துக்கொள்வார்களா? ஏனென்றால் முன்பு ஹிண்ட்ராபின் அனுதாப அலையின் காரணமாய் தேர்தலில் பல தொகுதிகளை வெற்றி கொண்ட பக்காத்தான் ராக்யாட், பின்பு ஹிண்ட்ராபுக்கே ஆட்டம் காட்டியதை யாரும் எளிதில் மறந்ததுவிடமாட்டார்கள். பல காலக்கட்டங்களில் இந்தியர் கட்சியினரிடையே இருக்கும் கருத்து வேற்றுமையின் காரணமாயும் நான் தான் என்ற கர்வத்தின் காரணமாயும் பல நல்ல சந்தர்பங்களை நழுவ விட்டிருக்கின்றோம். இரண்டு அணியிலும் நம் தமிழர் கட்சிகள் அங்கம் வகித்தால் நமக்குதான் நன்மையாக அமையும். சுதந்திரம் அடைந்தும் நம் இனத்தோர் மலாய்காரர்களுக்கும் சீனர்களுக்கும் இடையில் சேண்ட்விச் ( sandwich ) போல் இருப்பதினால் நம்மை லாலாங் என்ற அடைமொழியுடன் அழைக்கின்றனர். அவர்களுக்குள் நடக்கும் பதவி போராட்டத்தின் வாயிலாக நாம் வலுவடைய இந்த வாய்ப்பை பயன் படுத்திக்கொள்வோம். அப்போதுதான் நம் வார்த்தைக்கும் மதிப்பிருக்கும்.
இந்த சாக்கு வைத்தே பாஸ் கட்சியை கழட்டி விடவேண்டும் !
ஹிண்ட்ராப் ஒரு என் ஜி ஒவாகவே உருவானது. இந்தியர் உரிமைக்காக குரல் கொடுத்தது. பாராட்டுக்கள். அரசியல் என்று வரும்போது, இந்த என் ஜி ஒ தமது சிறந்த தலைவர்களை DAP அல்லது பி கே ஆர் கட்சியுடன் இணைந்து ஒரு சில சட்டமன்ற/ நாடாளுமன்ற இடங்களை கோரலாம். இந்தியர்களுக்கு மாத்திரம் என்று கோருவது இந்நாட்டில் சாத்தியமில்லை. எல்லா நிலையிலும் ஏட்டிக்கு போட்டியாக நின்றால் 7 சதவிகிதம் வெறும் கூக்குரலே எழுப்ப முடியும். அதிலும் எம் ஐ சி ஆதரவாளர்கள் திரும்பிக்கூட பார்க்க மாட்டார்கள்…