நேற்று மாலை பிகேஆர் அரண்மனையிலிருந்து ஒரு கடிதத்தைப் பெற்றது. அக்கடிதம் மந்திரி புசார் நியமனம் பற்றியதாக இருக்க வேண்டும் என்று நம்பப்பட்டது.

பிகேஆர் தலைமையக அதிகாரி இரவு 8.00 மணி அளவில் அரண்மனையிலிருந்து கடிதம் கிடைத்ததை மலேசியாகினியிடம் உறுதிப்படுத்தினார்.

அக்கடிதத்தின் உள்ளடக்கம் குறித்து பிகேஆரின் தலைமைச் செயலாளர் சைபுடின் நசுதியான் அறிக்கை வெளியிடுவார் என்று கூறப்பட்டது.

அவ்வாறே, சைபுடின் ஓர் அறிக்கையை வெளியிட்டார். ஆனால், அதை திரும்பப் பெற்றுக்கொண்ட அவர், அறிக்கையின் உள்ளடக்கம் இன்னும் முடிவு செய்யப்படவில்லை என்று காரணம் கூறினார்.

திருத்தப்பட்ட அறிக்கையை கட்சி நாளை வெளியிடும் என எதிர்பார்க்கப்படுகிறது.

கட்சியின் அறிக்கை வெளியிடப்படுவதற்கு சில மணி நேரங்களுக்கு முன்னதாகவே கட்சிக்கு நெருங்கிய வட்டாரங்கள் அரண்மனை அனுப்பியுள்ள அந்த சுருக்கமான கடிதத்தில் பிகேஆர் “இரண்டுக்கும் கூடுதலான” வேட்பாளர்களை நியமிக்க வேண்டும் என்ற அதன் அறிவுறுத்தலை மீண்டும் கூறியிருப்பதாக தெரிவித்தன.