இன்று மலேசியாவின் முக்கிய தமிழ் நாளேடுகளில், திரு. இளஞ்செழியன் தமிழ் நாளேடுகள் குறித்து வெளியிட்ட கருத்து குறித்த எதிர்வினைகள் வெளிவந்திருந்தன. அவரைக் கருத்துக் குருடர் என்றும் தமிழ்ப்பத்திரிகைகள் குறித்து கருத்துரைப்பதற்கு அவருக்கு என்ன அருகதை இருக்கிறது என்றெல்லாம் எதிர்வினைகள் முன்வைக்கப்பட்டிருந்தன.
இது குறித்து கருத்துரைக்கையில், தமிழ் நாளேடுகள் இந்நாட்டில் தமிழ்மொழி தொடர்ந்து நிலைத்திருப்பதற்கு முக்கிய பங்கு வகித்து வருகிறது என்பதில் மாற்றுக் கருத்தில்லை எனத் தெரிவித்த வழக்கறிஞர் ஆறுமுகம், திரு. இளஞ்செழியன் கூறிய கருத்து தவறுதலாக புரிந்துக் கொள்ளப்பட்டிருப்பது வருத்தற்திற்குறியது என்றார்.
கடந்த 10 ஆண்டுகளுக்கும் மேலாக இளஞ்செழியனோடு இணைந்து செயலாற்றிய அனுபவமுடைய திரு. ஆறுமுகம், தமிழ்மொழி, தமிழ்ப்பள்ளி சார்ந்து அவரின் தொடர் நகர்ச்சியையும் செயல்பாடுகளையும் நினைவுக் கூர்ந்தார்.
இந்நாட்டில் தமிழ்ப் பள்ளிகளுக்கென பதிவுப் பெற்ற ஓர் அறவாரியம் உருவாகுவதற்கு இளஞ்செழியன் மிக முக்கியப் பங்கினை ஆற்றியுள்ளார். அவரின் சீரிய முயற்சியினாலேயே இன்று இந்நாட்டில் பலரால் அறியப்பட்ட, டோங் ஜோங் போல தமிழ்ப்பள்ளிகளுக்கான அறவாரியமாக தமிழ் அறவாரியம் இன்று விளங்குகிறது என விளக்கினார். மேலும், தமிழ்ப்பள்ளிகளுக்காக இன்று செயல்படுத்தப்பட்டுவரும் பலதரப்பட்ட பள்ளிசார் செயல்திட்டங்கள் திரு. இளஞ்செழியன் முன்னெடுத்த செயல்திட்டங்கள்தான் என்பதையும் திரு. ஆறுமுகம் தெளிவுபடுத்தினார். இளம் அறிவியல் தேடுநர்கள், 21-நாள் ஆங்கில முகாம், ஆங்கில வளமைத் திட்டம், இளம் ஆய்வாளர்களின் அறிவியல் விழா, இளம் இயற்கை விரும்பிகள் திட்டம் என பல திட்டங்கள் இளஞ்செழியனின் முயற்சியால் தமிழ்ப்பள்ளி மாணவர்களுக்குப் பலனளித்திருக்கின்றன.
அதைத் தவிர, இந்நாட்டில் தமிழ்ப் பாலர்பள்ளிகளின் வளர்ச்சியில் இளஞ்செழியன் ஆற்றிய பங்கும் மிக முக்கியமானது என்கிறார் ஆறுமுகம். தமிழ்ப்பள்ளிக்குச் செல்லும் மாணவர்கள் தமிழ்ப் பாலர்பள்ளிக்குச் செல்வதை ஊக்குவிக்கும் வகையில் இத்திட்டம் கடந்த 7 ஆண்டுகளாக சிறப்பாக செயல்படுத்தப்பட்டு வருகிறது.
அதே வேளையில், தமிழ் கணினியியல் துறையிலும் மிக அமைதியாக இளஞ்செழியன் ஆற்றி வரும் பங்கும் பிரமிக்க வைக்கிறது என்கிறார் திரு. ஆறுமுகம். ஆங்கிலத்தில் இருப்பதைப் போலவே தமிழிலிலும் கணினி சொற்திருத்தி, இலக்கணத் திருத்திகளை இளஞ்செழியன் மேம்படுத்தியுள்ளார். இன்றைய நிலையில் அது பரவலான பயன்பாட்டிற்கு அறிமுகப்படுத்தப்பட்டுள்ளது. மேலும், தமிழ்ப்பள்ளிகள் திட்ட வரைவு குழுவிலும் முக்கிய பொறுப்பிலிருந்து திரு. இளஞ்செழியன் செயலாற்றுகிறார்.
ஒரு கணினியியல் வல்லுனராக, மொழிப் புலமை உடையவராக, தமிழ்மொழி, தமிழ்ப்பள்ளிகளின் தொடர் வளர்ச்சிக்குச் சீரிய பணி செய்பராகவே இளஞ்செழியன் தொடர்ந்து எங்களோடு இணைந்து உடன்வருகிறார் என வழக்கறிஞர் ஆறுமுகம் தெளிவுபடுத்தினார்.
இளஞ்செழியன் கூறிய கருத்து தமிழ் நாளேடுகள் தொடர்ந்து ஆக்ககரமானதாக உருவாக வேண்டும் என்பதை நோக்கியதாக இருந்திருக்குமே தவிர அவர்களைத் தூற்றும் நோக்கில் இருந்திருக்க வாய்ப்பில்லை என வழக்கறிஞர் ஆறுமுகம் மேலும் தெரிவித்தார்.
இந்நாட்டில் தமிழ்மொழி தொடர்ந்து நிலைத்திருப்பதற்குத் தமிழ் நாளிதழ்கள் உட்பட யாருக்கும் உரிமை கோர தகுதி இல்லை என்றே நான் நினைக்கிறேன். தமிழப் பத்திரிகைகளில் பணிபுரிவோர்க்கு வேறு வேலை எதுவும் தெரியாது. வக்கீல்கள், மருத்துவர்கள், பொறியியலாளர் இப்படி யாரும் தங்கள் ‘பதவியைத்’ துறந்து விட்டு இங்கே – இந்த நாட்டில் தமிழ் வாழ வேண்டும் என்று யாரும் பத்திரிகை நடத்துவதாகத் தெரியவில்லை. ஒவ்வொரு பத்திரிகையும் யாராவது ஒரு அரிசியல்வாதிக்கு வெண்சாமரம் வீசுவதை நோக்கமாகக் கொண்டு அல்லது யாராவது ஒரு தலைவரை திட்டித் தீர்க்கவேண்டும் எனும் நோக்கத்துடனேயே வெளிவருகின்றன. இதை யாரும் மறுத்தால் அவர் உண்மையையேற்க மறுக்கிறார் என்றே அர்த்தம். இன்னும் சிலர் ‘வயிறு’ வளர்க்கவே தமிழ்ப்பத்திரிகைகளில் பணிபுரிகின்றனரே அன்றி தமிழ் இகே வாழ வேண்டும் என்பதற்காக அல்ல. உண்மையில் ஒரு காலத்தில் தோட்டப்புறத்தில் வாழ்ந்த முனுசாமியும், முனியாண்டியும், கருப்பாயிக் கிழவியும், போன்னம்மா பாட்டியும் தான். அந்த தோட்டப்புறத் தமிழனுக்கு அறுவுப்பசியும், எழுத்தறிவும் தோற்றுவிக்கவே அங்கே தமிழப்பள்ளிகள் தோற்றுவிக்கப்பட்டன. நம்பவில்லையா? கோபப்படாமல் ஆவேசப்படாமல் இன்று பல தோட்டங்கள் காணாமல் போனதால் எத்தனை எத்தனை தமிழ்ப்பள்ளிகள் காணாமல் போய்விட்டன என்பதை கணக்கிட்டுப் பாருங்கள், அதற்குக் காரணம் என்ன? யார்? என்று சற்று யோசித்துப் பாருங்கள். உண்மை உங்களுக்கும் தானாகவே புரியும்..
இந்நாட்டில் தமிழ்மொழி தொடர்ந்து நிலைத்திருப்பதற்குத் தமிழ் நாளிதழ்கள் உட்பட யாருக்கும் உரிமை கோர தகுதி இல்லை என்றே நான் நினைக்கிறேன். தமிழப் பத்திரிகைகளில் பணிபுரிவோர்க்கு வேறு வேலை எதுவும் தெரியாது. வக்கீல்கள், மருத்துவர்கள், பொறியியலாளர் இப்படி யாரும் தங்கள் ‘பதவியைத்’ துறந்து விட்டு இங்கே – இந்த நாட்டில் தமிழ் வாழ வேண்டும் என்று யாரும் பத்திரிகை நடத்துவதாகத் தெரியவில்லை. ஒவ்வொரு பத்திரிகையும் யாராவது ஒரு அரிசியல்வாதிக்கு வெண்சாமரம் வீசுவதை நோக்கமாகக் கொண்டு அல்லது யாராவது ஒரு தலைவரை திட்டித் தீர்க்கவேண்டும் எனும் நோக்கத்துடனேயே வெளிவருகின்றன. இதை யாரும் மறுத்தால் அவர் உண்மையையேற்க மறுக்கிறார் என்றே அர்த்தம். இன்னும் சிலர் ‘வயிறு’ வளர்க்கவே தமிழ்ப்பத்திரிகைகளில் பணிபுரிகின்றனரே அன்றி தமிழ் இகே வாழ வேண்டும் என்பதற்காக அல்ல. உண்மையில் ஒரு காலத்தில் தோட்டப்புறத்தில் வாழ்ந்த முனுசாமியும், முனியாண்டியும், கருப்பாயிக் கிழவியும், போன்னம்மா பாட்டியும் தான். அந்த தோட்டப்புறத் தமிழனுக்கு அறுவுப்பசியும், எழுத்தறிவும் தோற்றுவிக்கவே அங்கே தமிழப்பள்ளிகள் தோற்றுவிக்கப்பட்டன. நம்பவில்லையா? கோபப்படாமல் ஆவேசப்படாமல் இன்று பல தோட்டங்கள் காணாமல் போனதால் எத்தனை எத்தனை தமிழ்ப்பள்ளிகள் காணாமல் போய்விட்டன என்பதை கணக்கிட்டுப் பாருங்கள், அதற்குக் காரணம் என்ன? யார்? என்று சற்று யோசித்துப் பாருங்கள். உண்மை உங்களுக்கும் தானாகவே புரியும்..
நடக்கும், நடக்க போகும், நடந்த செய்திகளை மட்டும் போட்டுவிடுவதால் தமிழுக்கும் தமிழனுக்கும் பத்திரிக்கைகள் பெரிய சாதனை செய்து விடுவதாக எண்ணுவது தப்பு. ஏவுகணை ஏராளமான விசியங்களை எழுதியது ஆனால் செவிடன் காதில் ஊதிய சங்கு நிலைதான்.இதுபோல தலை ஆசிரியர்களின் தலையங்க செய்திகளும் தமிழர்களின் அரசு அரசியல் நகர்வுகளை முட்டியதாக தெரியவில்லை. இன்று இந்தியர்களின் குறிப்பாக தமிழர்களின் அரசியல் ,பொருளாதாரம் ,கல்வி ,தமிழ் தாய் மொழி மேம்பாட்டுக்கு உதவி இருந்தாலும் எட்டாத பழத்துக்கு கொட்டாவி கதைதான்.
திரு ஆறுமுகம் பதிவு செய்தது போல திரு இளஞ்செழியன் தமிழ் சேவை அளப்பரியது என்பதை நானும் உணர்வேன். இந்த சமூகம் அவரை சரியாக பாவித்துக்கொள்ளவில்லை என்ற வருத்தம் எனக்கும் உண்டு. ஊடக தர்மம் என்பது அது ஒரு புலமை மிக்கது அதில் சமூக உணர்வுகள்,பொறுப்பு இன மொழி வளப்பத்துக்கு வித்திடல் வேண்டும்.
இன்று இந்த சமூதாயத்தின் எல்லாத்துறையிலும் தோல்வியின் மிச்சத்தை கேலியாக எழுதுகிறதே தவிர வழி காட்டல் அல்லது தீர்வு என்பது இல்லை. சமுதாய குழம்பிய குட்டையில் மீன் பிடித்து சினிமா போல வேடிக்கை விற்பனையில் சாதிக்குது.
இவர்களை கருத்து குருடர்கள் என்று வாசிக்க வசைபாடுவது பிறகு அதை விபரீதமாக்கி அவர்கள் கண்ணை மேலும் நோண்டி பார்ப்பது நியாமில்லை. இளஞ்செழியன் கூற்றில் உண்மை இருக்கலாம். அவர் மிக கவனமானவர் நல்ல பண்பாளர் ஏதோ விபரீதம் இருக்கும் அதை கேட்டு எழுதுங்கள் பரிகாரம் காணலாம். கழகம் பிறந்தால் வழி பிறக்கும். நான் இயக்க கழகத்தை சொல்கிறேன்.
நமது பத்திரிக்கைகள் இந்தியன் மீது வைக்கும் பாசத்தை தமிழன் மீதும் வைக்க வேண்டும். தமிழ் இனமமும் தமிழ் மொழியும் இந்நாட்டில் ஒப்புக்கு ஓடுகிறது. ஊடக சக்தி இன்னும் இந்த இனத்தை காக்க வில்லை. வழிதேடும் படலம் இலக்கு நோக்கி போகணும் என்பதே நமது ஆசை.
தாய்மொழி கல்வியை அதாவது அவரவர் தாய்மொழியை வளர்க்க தியாகம் செய்யவேண்டும்.த்யாகம்,எதையும் எதிர்பார்காது செய்வது,செலவு இன்றி உடல் உழைப்பை மாத்திரம் கொண்டு செய்வது.இதையே நாம் தியாகம் யென்று குறிப்பிட்டோம்.தாய்க்கு எப்படி அன்பு கொண்டு செய்வதுபோல.யாம் முன்பு கூறினோம்,8 மணி நேரம் குடும்பத்துக்கு,8 மணி நேரம் சமுதாயத்துக்கு,8 மணி நேரம் தனக்கு என்று பிரித்து செலவிட்டால் நாம் பூரணம் பெறுவோம்.இந்த சமுதாயத்துக்காக 8 மணி நேரத்தை பல சமுதாய தொண்டுகள் செய்யலாம்.ஆலயம்,பள்ளி இவை நம் சுவடு,பாதுகாக்கப்பட வேண்டிய பொக்கிஷம்.ஆதலால் செய்வோம் தியாகம்,வாழ்க நாராயண நாமம்.
எது எப்படி இருப்பினும் தமிழ் நாளிதழ்களை குறை சொல்வது வானத்தைப் பார்த்து உமிழ்வதற்கு சமம்.அது நமது தாய் மொழி பத்திரிகைகள்.தமிழ்ப் பள்ளிகளை போல தமிழ் நாளிதழ்களும் நமது அடையாளங்கள்.இந்த நாட்டைப் பொறுத்த வரையில் அவைகள் இரண்டும் தமிழனின் இரு கண்கள் போல.நிச்சயமாக இதில் ஒன்றை இழந்து இன்னொன்று வாழப் போவதில்லை.ஐயா,ஆறுமுகம் அவர்களே! தனிப்பட்ட முறையில் உங்களது இன உணர்வையும் மொழி உணர்வையும் போற்றி வணங்குகிறேன்.ஆனால் தமிழ் நாளிதழ்களைப் பற்றி குறை சொன்னால் அது குறைதான்.அந்த குறையை தவறுதலாக புரிந்து கொள்வதற்கு வாய்ப்பே இல்லை.அதோடு தமிழ்ப் பள்ளிகளின் வளர்சிக்கு தமிழ் நாளிதழ்கள் உதவவில்லை என்ற ஆதங்கம் முட்டாள்தனமானது.இந்த நாட்டில் தமிழ்ப் பள்ளிகள் வளர்ச்சி அடையவில்லை என்றால் அதற்கு மூல காரணம் அரசாங்கமும் நமது அதிகாரப் பூர்வ மான்புமிகுகளும்தான்.எய்தவன் இருக்க அம்பை நோவானேன்?
எனக்கும் திரு இளஞ்செழியனை சில காலமாக தெரியும், அவரிடம் பேச்சுக் கொடுத்தால் மொழியுணர்வும்,இன உணர்வும் சமுக உணர்வும் கொப்பளிக்கும்,இந்த இளம் வயதில் இந்த ஆற்றலா என என்னத தோன்றும், அப்படி பட்டவர், தமிழ் பத்திரிக்கைகளுக்கு எதிராக சொல்லியிருப்பாரா, சொன்னதை மீண்டும் படித்துப்பாருங்கள், உண்மை புரியும், நுனிப்புல் மேய வேண்டாம்.
கட்டுரையாளர் மற்றும் திரு பொன் ரங்கரின் கருத்துக்கள் வரவேற்கத் தக்கது. திரு. இளஞ்செழியனை நேரிடையாக அறியவில்லை என்றாலும், அவர் செம்பருத்தியில் தமிழ் மொழி, தமிழ் பள்ளிகள் சம்பந்தமுடைய களங்களில் தம்முடைய கருத்துக்களை தொகுத்து கொடுத்த விதம் எம்மை கவர்ந்தது. துடிப்புமிக்க, அறிவார்ந்த இளைஞர் என்பது புலபட்டது. அவரின் தொண்டு மேலும் தொடர வாழ்த்துகின்றோம். தமிழ் மொழி வளர்ச்சிக்கு இந்நாட்டு தமிழ் பத்திரிகைகளின் பங்களிப்பு போதவில்லை என்பது அவரின் ஆதங்கமாக இருந்தால் அதில் ஓரளவு உண்மை இருக்கத்தான் வேண்டும். இந்நாட்டு தமிழ் பத்திரிகைகளில் S.P.M. P.M.R. U.P.S.R. பரீட்சைக்கான வழிகாட்டலை வரவேற்கின்றோம். இதுவே தமிழ் வளர்ச்சிக்கு போதுமானது ஆகாது. இலக்கிய வளர்ச்சிக்கும் போதுமான இடம் கொடுக்க வேண்டும். வாரத்திற்கு ஒரு சிறுகதை, தொடர்கதை என்று இல்லாமால், அந்த இலக்கியத் தொண்டு தொடர்ந்து இருக்க வேண்டும். மேலும், அரசியல்வாதிகள் தங்கள் பெயர் பத்திரிகைகளில் வெளியே வர வேண்டும் என்பதற்காக அரசியல் விளம்பர செயலரிக்கைகள் குறைக்கப் பட வேண்டும். பேராக்கில் ஒரு அரசியல் தலைவர் தம்மை தமிழ், தமிழ் பள்ளிகளின் காப்பாளன் என்று பறைசாற்றிக் கொள்வதற்கு பிறர் செய்யும் தொண்டில் தன் மூக்கை நுழைத்து குழப்படி செய்கின்ராராம். அவருக்குத்தான் பத்திரிகையில் வர்ண போட்டுவுடன் தமிழ் பத்திரிகைகள் விளம்பரம் கொடுக்கின்றன. திரு. இளஞ்செழியனைப் போண்டோரை பேட்டி கண்டு இன்னாடுத் தமிழர்கள் தமிழ் மொழியும், தமிழ் பள்ளிகளும் மென்மேலும் வளர்ச்சி அடைய நம் நடவடிக்கைகள் எவ்வாறு இருக்க வேண்டும் என்று இந்நாட்டு இந்தியர்களுக்கு எடுத்துச் சொல்ல வேண்டும்.
இன்றைய நிலையில் தமிழ் நாளிதழ்களின் நிலையை கோ.சா.வின் காலத்தோடு ஒப்பிட்டு பேசக் கூடாது. இன்றைய நாளிதழ்கள் அப்படி ஒரு பிம்பத்தை சமூகத்திடம் காட்டினாலும் அது உண்மை அல்ல. தமிழ்ச்சமுதாயத்துக்கு இன மொழி உணர்வையும் ஊட்ட வேண்டும் என்கிற ஒரு மிகப்பெரிய கடப்பாடு தமக்கு இருப்பதாக முருகுவும் கோசாவும் உணர்ந்ததாலேயே ஊடகத்துறைக்கு வந்தார்கள். பின்னர் ஆதியின் வழியிலும் ஒரு தெளிவு இருந்தது. ஆனால் இன்றைய நிலை அப்படி இல்லை என்பதற்கு இன்று சந்தையில் உள்ள நாளிதழ்களின் எண்ணிக்கையே சான்று. ஒவ்வொரு அரசியல் தலைவரும் தங்கள் முதலீட்டில் அல்லது பெரும் பங்கில் நாளிதழ் வெளியிட முன்வரக்காரணம் தமிழ் தொண்டு என்றோ தமிழ்ப்பள்ளி வளர்ச்சி என்றோ கூறினால் அது மிகப்பெரிய பொய்யாகும். தமிழ் நாளிதழ்கள் நட்டத்தில் நடந்தாலும் தொடர்ந்து நடத்த காரணம் சுய தம்பட்டம் போட ஒரு தளம் வேண்டும் என்பதே. தமிழ் நாளிதழ்கள் தமிழை ஊடகமாக கொண்டு செயல்படுவதாலேயே அவை தமிழ் தொண்டு ஆற்ற முன்வந்தவை என்று கருத முடியாது. ஒவ்வொரு நாள் நாளிதழிலும் அரசியல் காழ்ப்புணர்வோடு செய்திகளைப் போடுவதும் விளம்பர மதிப்பு உள்ள சேதிகளுக்கு முன்னுரிமை கொடுப்பதும் அவர்களின் பாணி. இதற்கு சரியான உதாரணமாக நாம் தமிழ் திரைப்படங்களைக் கொள்ளலாம். அவை தமிழ் மொழியில் வெளிவந்தாலும் தமிழ் தொண்டாற்ற தயாரிக்கப்படுகின்றன என்று சொல்வது எவ்வளவு அபத்தம். தமிழ் பண்பாடு, தமிழ் உணர்வு போன்றவற்றை விட பொருளாதாரம்தான் அவற்றின் முதன்மை குறிக்கோள். இளஞ்செழியன் போன்ற தமிழ் உணர்வாளர்கள் தமிழ் நாளிதழ்களை விமர்சிக்க எல்லாவித தகுதியும் கொண்டவர்கள்தான். தங்களின் களப்பணிகளுக்கு முன் நாளிதழ்களின் பொருப்பற்ற செய்திகளை ஒப்பிட்டு அவர்கள் கருத்து கூறினால் நாளிதழ்கள் அதைக் கேட்டு தங்களைத் திருத்திக் கொள்ள வேண்டுமேயன்றி அவரை கலங்கப்படுத்த முயலக் கூடாது. நாளிதழ்ககள் தங்கள் தவறுகளை மூடி மறைக்கவும் சமுதாயத்தின் முன் அதன் ஆசிரியர்கள் மிகப்பெரிய தியாகிகள் போல் பாவனைக் காட்டவும் இது போன்ற சந்தர்ப்பங்களை நன்கு பயன்படுத்திக் கொள்கிறார்கள். இது போன்ற தனிமனித தாக்குதல்கள் தமிழ் நாளிதழ்களுக்கு கைவந்த கலை. ஆகவே இளஞ்செழியன் இதை எல்லாம் ஒரு பொருட்டாகவே எடுத்துக் கொள்ளாமல் தன் வேலையை செம்மையாக செய்துவருவார் என்று பெரிதும் எதிர்ப்பார்க்கிறேன்.
தமிழ்ப்பள்ளியில் படித்து , அக்கரையில் கல்வியைத் தொடர்ந்து , உயர் பதவியில் பவணி வந்திடினும் இன்றும் தமிழிலே பேசி வரும் இளஞ்செழியன் அவர்கட்கு வாழ்த்துக்கள். இருக்கும் குறையைச் சுட்டிக் காட்டுவது தவறன்று. அந்த குறையைக் கண்டறிந்து அதை வேரறுப்பதே சாலச் சிறந்த செயலாகும். அவர் முன்வைத்த கூற்றை ஆராயுங்கள், பதில் கண்டிப்பாக கிடைக்கும். பிரசுரியுங்கள், ஒரு சேர்ந்து தீர்க்க முயற்சிப்போம்.
ஐயா ஆறுமுகம் கருத்தை கவனத்தில் கொள்ளுங்கள்! விசாரித்து சுமூகமாக செயல்படுங்கள்! கஷ்டத்திலும் தமிழ் பத்தரிக்கை வாங்கி ஆதரவு கொடுத்துவர்கிறேன்! அனால் அரசியால் குறிப்பாக ம இ க தலைவர்கள் குறித்த கட்டுபாடு மீறி பார்பத்தை மிக அசிங்கமாக இருக்கு!
எழுதியதை படித்துத் தெரிந்து கொள்ளவேண்டும்,அதைவிடுத்து புரிந்துக் கொள்வதென்றால் எப்படி.நீங்கள் செய்யும் தவறுக்கும் வாசகறை குறை சொன்னால் விளங்குமா.நாராயண நாராயண.