அண்மையில்  எரிபொருள்  விலை  உயர்த்தப்பட்டது  உதவித் தொகையைச்  சீரமைக்கும்  முயற்சியா  அல்லது    கஜானாவை  நிரப்பும்  முயற்சியா  என்பதை  அரசாங்கம்  விளக்க  வேண்டும்  என  கோலா  திரெங்கானு  எம்பி ராஜா  கமருல்  பஹ்ரேன்  ஷா ராஜா  அஹமட் கேட்டுக்கொண்டிருக்கிறார்.

உலக  அளவில்  எண்ணெய் விலைகள்  குறைந்து  வருவதைத்  தொடர்ந்து  மற்ற  அரசாங்கங்கள்  எண்ணெய்  விலைகளைக்  குறைக்க  முனைந்துள்ள  வேளையில்  மலேசியா எதிர்திசையில்  செல்கிறது  என்று  குறிப்பிட்ட  அவர்,  இது  எண்ணெய்  விலை  சரியும்  என்பதை  அரசாங்கம்  எதிர்பார்க்கவில்லை  என்பதைக்  காண்பிக்கிறது  என்றார்.

“கூட்டரசு  அரசாங்கத்தின்  ஆண்டு  பட்ஜெட்டில்  சுமார்  40 விழுக்காடு  எண்ணெய்  வருமானத்தைத்தான்  நம்பியுள்ளது.

“இது  தற்கொலைக்குச்  சமமான  ஒரு  திட்டமிடலாகும்”, என  கமருல்  தெரிவித்தார்.

அரசாங்கம்  எண்ணெய், எரிவாயு  வருமானத்தையே  அளவுக்கு  அதிகமாக  நம்பி  வந்துள்ளது. இப்போது  பல்வகைப்படுத்த “காலம்  கடந்துவிட்டத”  என்று  குறிப்பிட்ட  அவர், “இது  ஒரு  சோம்பேறி  அரசாங்கம்”, என்று  சாடினார்.