எதிரணித்  தலைவர் அன்வார்  இப்ராகிம்,  டாக்டர்  மகாதிர்  மகன்  உள்பட, 20  கோடீஸ்வரர்களிடம்  எவ்வளவு  வரிப்பணம்  வசூலிக்கப்பட்டது  என்பதை  அரசாங்கம்  தெரிவிக்க  வேண்டும்  எனக்  கேட்டுக்கொண்டிருக்கிறார்.

மொக்சானி  மகாதிர்  தவிர்த்து  அந்த  முன்னாள்  பிரதமருடன்  நெருக்கமான தொடர்பு  கொண்டுள்ள  டி.ஆனந்தகிருஷ்ணன்,  வின்செண்ட்  டான்  போன்ற  கோடீஸ்வரர்கள்  செலுத்திய  வரித்தொகையும்  தெரிய  வேண்டும்.

“பில்லியன்  கணக்கில்  சொத்து  வைத்துள்ள  20  கோடீஸ்வரர்களிடமிருந்து  எவ்வளவு வரிப்பணம்  வசூலிக்கப்பட்டது  என்பதைத்  தெரிந்துகொள்ள  விரும்புகிறேன்”, என  அன்வார்  இன்று  நாடாளுமன்றத்தில்  கூறினார்.

அவர், உள்நாட்டு  வருமான  வரி  வாரியச்  சட்ட (2014-இல் திருத்தப்பட்டது)த்துக்கு  ஆதரவு  தெரிவித்துக்  கொண்டார்.

“உள்நாட்டு  வருமான  வரி  வாரியத்துக்குக்  கூடுதல்  தன்னாட்சி  உரிமையைக்  கொடுக்கிறது  என்பதால்  இந்தத்  திருத்தத்தை  ஆதரிக்கிறேன்”, என்றாரவர்.