அடுத்த  ஆண்டு  நாடாளுமன்ற  உறுப்பினர்கள்  அனைவரும்  சம்பள  உயர்வு பெறுவர்.

அவர்களின் சம்பள  உயர்வுக்குக்  கொள்கை  அளவில்  ஒப்புக்கொண்டிருப்பதாக  பிரதமர்  நஜிப்  அப்துல்  ரசாக்  நேற்று  பிஎன்  எம்பிகள், செனட்டர்கள்  அடங்கிய  கூட்டமொன்றில்  கூறினார்.

சம்பள  உயர்வு  எவ்வளவு  என்பது  தெரியவில்லை. கேட்டதற்கு  அதைத்  தெரிவிக்க  மறுத்தார்  பிரதமர்துறை  அமைச்சர்  ஷகிடான்  காசிம்.

“பிரதமர்  ஒப்புக்கொண்டாலும்  அமைச்சரவை  ஒப்புதல்  அளிக்க  வேண்டும்.

“ஆனால், நாடாளுமன்றத்தில்  தாக்கல்  செய்ய  வேண்டியதில்லை. ஆண்டு  இறுதியில்  அல்லது  அடுத்த  ஆண்டில்  அது  நடைமுறைக்கு  வரலாம்”, என்றாரவர்.