மலாய்மொழி பைபிள்களை  எரிக்கப்போவதாக பெர்காசா  விடுத்த  மிரட்டலை  புத்ரா  ஜெயா தற்காத்து  பேசியிருப்பது  மலேசிய  மனித  உரிமை  ஆணையத்துக்கு (சுஹாகாம்) அதிர்ச்சி  அளித்துள்ளது.

“மலாய்மொழி  பைபிள்களைக்  கொளுத்தச்  சொன்னது  சமுதாயத்துக்கு  விடுக்கப்பட்ட  மருட்டல்  அல்ல, இஸ்லாத்தைத்  தற்காப்பதற்காகவே  அவ்வாறு  சொல்லப்பட்டது  என   அரசாங்கம்  அதை  நியாயப்படுத்துவது  கண்டு  சுஹாகாம்  ஏமாற்றமும்  அதிர்ச்சியும்  அடைவதாக”, சுஹாகாம்  தலைவர்  ஹஸ்மி  அகாம் ஓர்  அறிக்கையில்  கூறினார்.

பிரதமர்துறை  அமைச்சர்  நன்சி  சுக்ரி, புதன்கிழமை  நாடாளுமன்றத்தில்  அளித்த  ஒரு  பதிலில் அதை நியாயப்படுத்தி  இருந்தார்.