ஊழலை  எதிர்ப்பதற்கு  அதிகாரத்துவ  இரகசிய  சட்ட(ஒஎஸ்ஏ)த்தை  மறு  ஆய்வு  செய்ய  வேண்டும்  என்கிறார்  முன்னாள்  நிதி  அமைச்சர்  தெங்கு  ரசாலி  ஹம்சா. அச்சட்டம்  “ஆயிரக்கனக்கான  பாவங்களை  மூடிமறைக்கிறது” என்பது அவரது  கருத்து.

நிதி  அமைச்சரின்  அதிகாரத்தைக்  கட்டுப்படுத்தும்  நோக்கில்  1957 நிதியியல்  நடைமுறைச் சட்டத்தை  மறுபரிசீலனை  செய்ய  வேண்டும்  எனவும்  அந்த  அம்னோ  மூத்த  தலைவர்  கூறினார்.

“எல்லாமே  இரகசியமாக  இருக்க  வேண்டும்  என்பதில்லை.  அரசாங்கம்மீது   எனக்கு  ஆத்திரம்  இல்லை. இது  நம்  கட்டமைபில்  உள்ள  பலவீனம்.

“இச்சட்டம் (நிதியியல்  நடைமுறைச் சட்டம்) பற்றியும் எனக்குத்  தெரியும். நான் நிதி அமைச்சில்  இருந்தபோது  அதைப்  பயன்படுத்தி  இருக்கிறேன்”, என  தெங்கு  ரசாலி  இன்று  ஒரு  கருத்தரங்கில்  பேசியபோது  குறிப்பிட்டார்.