அரசாங்கம், மலேசியர்கள்  சம்பந்தப்பட்ட  பயங்கரவாத  மிரட்டல்  குறித்து  மக்களுக்குத்  “தெரிவிக்க” விரைவில்  வெள்ளை  அறிக்கை  ஒன்றை  நாடாளுமன்றத்தில்  தாக்கல்  செய்யும்.

கோ  சுங்  சென் (டிஏபி-காப்பார்)-னின்  வினாவுக்கு  இவ்வாறு  பதிலளித்த  உள்துறை  அமைச்சு,  அறிக்கை  “தயாராகி  வருவதாக”க் கூறியது. ஆனால், அது  எப்போது  தாக்கல்  செய்யப்படும்  என்பதை  அது  குறிப்பிடவில்லை.

2001-இலிருந்து  இதுவரை  167  மலேசியர்கள்  வெளிநாடுகளில்  ஆயுதப்  போராட்டங்களில்  தொடர்பு  கொண்டிருக்கிறார்கள்  என்றும்  அவர்களில்  39 பேர் ஈராக்கிலும்  சீரியாவிலும்  ஐஎஸ்  எனப்படும்  இஸ்லாமிய  தீவிரவாதக்  கும்பல்களுடன்  சேர்ந்துகொண்டிருப்பதாகவும்  அமைச்சு  கூறிற்று.