அரசுத்  தரப்பு  வழக்குரைஞர்  முகம்மட்  ஷாபி  அப்துல்லாவின்  வாதங்களைக்  கேட்டு  ஆத்திரமடைந்த   அன்வார்  இப்ராகிம், ஷாபி  திரும்பவும்  கல்லூரி  சென்று சட்டம் படிக்க  வேண்டும்  என்று  கடுப்பாகக்  கூறினார்.

அந்த  அனுபவம்  வாய்ந்த  வழக்குரைஞர்,  எதிர்த் தரப்பு  முன்வைத்த  வாதங்களுக்குப்  பதிலளிக்காமல்  அரசியல்  சொற்பொழிவாற்றினார்  என்றாரவர்.

ஷாபி  நீதிமன்ற  விசாரணையை  “அரசியல்  வழக்காடலாக” மாற்றி  விட்டார்  என  அன்வார்  குற்றம்  சாட்டினார்.

அம்னோவுடன்  தொடர்புகொண்ட  அந்த  அரசு  வழக்குரைஞர் இன்று  வாதங்களை  முடித்துக் கொண்டார். அவரது  வாதங்களுக்கு  அன்வார்  தரப்பினர் வியாழக்கிழமை  பதிலளிப்பர்  என  எதிர்பார்க்கப்படுகிறது.